hcandersenhus

Tilvistarkreppa

2008-10-18T22:28:00.005Z

eða eitthvað álíka er að angra mig þessa daganna. Nú líður óðum að því að ég ljúki B.A. náminu mínu við Háskóla Íslands og ég hef ekki hugmynd um hvað ég á að gera að lokinni útskrift. Ég ákvað því að fara í Áhugasviðskönnun hjá HÍ og sjá hvað kemur út úr því. Erla vinkona kom reyndar með bækling fyrir mig í vor um diplómanám í Alþjóða samskiptum sem mér finnst voða spennandi og getur verið að ég skelli mér í það. Ég fékk líka þá hugdettu að skella mér í sjálfboðavinnu erlendis einhvers staðar. Ég er búin að vera skoða inn á Nínu koti og getur vel verið að ég skelli mér í það. Ég er búin að vera að skoða ýmis Afríkuríki og fann nokkra staði sem ég væri til í að fara á, ef ekki væri fyrir stjórnmálaóróa eins og í Zimbabwe. Þar er þetta frábæra prógramm þar sem ljónsungar eru teknir í vernduðu umhverfi og þjálfaðir til að lifa í villtir í náttúrunni. Ástandið í Zimbabwe gerir það hins vegar að verkum að ég þori ekki alveg þangað en það eru fleiri staðir, sem virka spennandi og ætla ég að leggjast aðeins betur yfir þetta. Þetta er alla vegna staðan á mínu lífi þessa daganna, það kemur vonandi niðurstaða á þetta hjá mér fljótlega.

Drungi og dauði...

2008-10-01T18:39:00.002Z

allt er bara að fara til fjandans :@ Það streyma yfir okkur fréttir um fall krónunar, Glitnir orðin ríkisbanki, samsæriskenningar og svo eru það fjöldauppsagnirnar. Ég verð að vera sammála henni systur minni í því, og draga því tilbaka kvartanir mínar um að vera orðin þetta gömul og eiga ekki neitt, að fagna því að vera bara fátækur námsmaður sem á ekki neitt og skuldar ekki neitt (nema náttúrulega námslánin). Verst að maður var ekki forsjáll og keypti dollarann þegar hann var 67 kr, maður gæti grætt þokkalega á að selja hann í dag. En er ekki komin tími á að þetta blessaða fólk sem við kusum (eða ekki kusum eftir því hvar stjórnmálaskoðanir hvers og eins liggja) geri eitthvað í málunum áður málin verða verri. Á samt ekki von á því þar sem þetta fólk er vitagagnslaust með vitagagnslausan forsætisráðherra í fararbroddi. Jæja er nú hætt þessu þunglyndiskasti í bili.

I am the biggest looser!!!

2008-09-18T22:55:00.002Z

Jáhá ég vann biggest looser viku okkar mæðgna :o) Mjög stolt af sjálfri mér, missti 2,5 kg. Ég get samt ekki sagt að ég mæli með þessu. Það var mikil svengd upplifuð í þessari viku og allir orðnir frekar orkulausir í restina. Nú er bara að halda áfram á þessari leið og taka af fleiri fleiri fleiri kg. Um að gera að vera orðin flott og fitt fyrir USA-ferðina í vor :o) Jæja annars er nú ekki mikið meira í fréttum en þetta, lífið gengur bara sinn vanagang.

Skólinn byrjaður

2008-09-09T18:16:00.002Z

og ég er að komast í gírinn :) Annars er nú allt við það sama á þessu heimili, ritgerðin er reyndar klár og ætla ég að skila henni á morgun. Það verður nú gott að koma henni frá sér, og geta bara einbeitt sér að skólanum. Svo verður líka tekið á því í ræktinni, en við mæðgurnar ætlum að byrja á biggest looser viku á morgun,bara svona að gamni. Svona til að sjá hvort þetta bigges looser dót virki. Erum komnar með mataráætlun og svona.... Leyfi ykkur að fylgjast með hvernig þetta gengur allt saman.

Skólinn að byrja

2008-08-31T17:12:00.002Z

... loksins!!! Ég er svo fegin að skólinn er að byrja að þið trúið því ekki.

Golíat

2008-08-10T00:14:00.005Z

Við eigum þennan frábæra hest sem heitir Golíat. Hann var keyptur fyrir nokkrum árum fyrir hana Berglindi systur því hana vantaði reiðhest. Þessi rauðblesóttadúlla fékk nafnið Golíat þar sem hann var og er töluvert stærri en hin hrossin í eigu fjölskyldunar. Hann ber þó ekki alveg nafn með rentu þar sem hann hefur ósköp lítið hjarta, en hann bætir það upp með risastórum persónuleika.

Ég fór með pabba austur í Maurholt um verslunarmannhelgina til að fara á hestbak og Golíat, þessi elska, kemur alltaf skokkandi þegar ég flauta á hann. Hann er reyndar ekki lengur einn um að gera það þar sem hann Gáski minn virðist vera búin að fatta það að þegar við erum á svæðinu jafngildi það einhverju gotteríi handa þeim. Og með honum fylgja venjulega Víðir og Spunalingurinn minn. Þeim finnst sko brauðið gott :o)

En aftur að sögunni... Við pabbi stóðum sem sagt þarna í miðjum haganum í Maurholti með strákanna okkar en skvísulísurnar voru hvergi sjáanlegar þannig að ég rölti af stað í leit að þeim. Og viti menn hann Golíat ákvað að slást í leitarhópinn, hann elti mig alla leiðina að hópnum sem skvísurnar voru í og alla leiðina aftur upp í gerði, fast á hæla mér á meðan ég rak allt hitt stóðið á undan mér. Ef ég þurfti að stoppa þá stoppaði hann, yfirleitt með nefið í bakinu á mér og ef ég þurfti að beygja þá beygði hann. Svona gekk þetta alla leiðina í gerðið og rákum við því lestina inn í gerðið. Þeir sem halda því fram að hestar hafi ekki persónuleika þurfa sko að kynnast

þessum hesti því hann hefur sko yfirmeira en nóg af honum.

In memorium

2008-07-13T18:29:00.024Z

Hún Lady mín lést síðastliðinn laugardag, eftir rúmleg 15 ár á meðal okkar. Við systurnar fórum í fjallgöngu með hana Lady okkar upp á Enni og hún fór að atast í bjargfuglinum, smalahundur fram í rauðan dauðann. Hún virðist að farið of nálægt brúninni og henni skrikað fótur, enda ekki enn jafn fótviss og áður fyrr. Hún gleymdi stundum að hún var ekki lengur neitt unglamb.

Lady kom til fyrst til okkar í júní 1993, en ég var búin að suða lengi í foreldrum mínum um að fá hund og þegar tækifærið kom að fá Lady greip ég það. Mamma var stödd út á landi og þegar hún kom heim tilkynnti ég henni að ég væri búin að fá hund og spurði hvort ég mætti fara og ná í hann. Það kom fát á hana móður mína og hún spurði hvort við gætum ekki fengið hana á morgun því við ættum ekkert til að gefa henni að borða.

Ég fékk því minn langþráða draum uppfylltan og fékk hund, og hún var skírð Lady eftir hundi frænku minnar í Svíþjóð.

Við Lady höfum átt margar góðar stundir í gegnum árin og hún hjálpaði mér í gegnum marga erfiða tíma. Lady hefur einnig heillað marga vini og ættingja, þá sérstaklega yngri meðlimina, enda falleg og ljúf í viðmóti. Hennar verður sárt saknað.

Fjölskyldan fór saman austur í Maurholt og þar héldum við smá jarðaför handa litlu snúllunni minni. Hún fékk virðulega fylgd frá Golíat (besta vin hennar, að hans mati), Víði, Gáska og Spuna, auk þess sem nokkrir vinir þeirra slógust í hópinn. Ég gróðursetti svo fallegar, appelsínugular gerbíur á gröfinni og næsta vor ætlum við svo að gróðursetja fallegt tré þar og setja fallegan stein til minningar um hana Lady okkar.

Ætli að það sé ekki kominn tími á nýtt blogg

2008-06-25T20:33:00.002Z

...þó svo að ekki sé mikið nýtt í fréttum. Skólinn gekk bara vel, nokkuð sátt við árangurinn. Ég er bara að reyna að koma mér í að skrifa B.A. ritgerðina mína, það gengur ekki alltof vel. Ég verð að fara að verða harðari við sjálfan mig og pína mig til að setjast niður og byrja að skrifa. Þetta kemur allt saman, þarf bara að komast í groovið. Annars er nú ekki mikið í fréttum, bara búin að vinna og vinna svo meira. Júlí verður vonandi aðeins meira fjör í enda Landsmót hestamanna og brúðkaup Erlu og Hlyns. Þannig að vonandi verður meira um fréttir og fjör í næsta bloggi.

Sumar

2008-05-26T21:43:00.002Z

Jæja þá er skólinn búinn og sumarið komið. Nú er ég búin að vinna í rúma viku, gamangaman. Ég verð að viðurkenna að ég sakna gömlu góðu daganna þegar maður eyddi sumrinu í rólegheitum, en maður verður víst að þéna pening Money makes the world go around eins og sagt er. Alla vegna getur maður ekki verið námsmaður án þeirra. Ein einkunn komin, vantar enn 3. Ég var mjög ánægð með þessa sem komin er enda var hún talsvert betri en ég átti von á. Vonandi bara að hinar verði jafngóðar. Nú er bara að koma sér að verki og skrifa þessa blessuðu B.A. ritgerð sem ég þarf að skrifa. Ég er komin langt með heimildavinnu og þarf bara að drífa mig í að klára hana svo ég geti sest niður og byrjað að skrifa. Jæja nóg í bili þarf að skella mér í háttinn svo ég geti vaknað í ræktina kl 6 í fyrramálið.

Lúksus líf

2008-05-16T20:20:00.002Z

Í dag fór ég í dekur í Blue Lagoon spa og kræst hvað það geðveikt :) Það var byrjað með saltskrúbbi og svo þörungamaska á allan líkamann. Því næst var smá gufa og svo var þessu lokið með nuddi. Nú ætla ég bara að eiga kózý kvöld heima, búin að kveikja á kertum og horfa á tvið.

Prófin búin og sumarið á leiðinni

2008-05-15T22:33:00.002Z

Jæja smá póstur... Þá er skólinn búin og prófin búin, á reyndar eftir að skila einu lokaverkefni. En það eru bara smá lagfæringar á því og svo er það búið. Á morgun er svo dekur í Blue lagoon spa, gaman gaman. Ég ætla að svo að nota helgina í hestastúss og eitthvað annað skemmtilegt, svo er það bara að byrja vinna á mánudaginn. Þetta er allt og sumt í bili...

Smá update af mínu æsispennandi lífi

2008-04-30T22:53:00.002Z

Jæja það sem hefur gerst síðan síðast...

1. búin að vera læra læra læra
2. þess á milli er ég í ræktinni, út að labba með hundinn eða í hesthúsinu
3. eyddi smá quality time með litla frænda
4. fór í bónus, hitti litlu frændssystkini mín þar fyrir utan og þau fóru með mér. Steinunn Eva sat í kerrunni hjá mér og það var kona þar sem starði svo á okkur. Á endanum spurði hún hvort ég hefði ekki átt heima í Arahólum 4 á 5tu hæð. Ég sagði jú og þá sagði hún að hún kannaðist eitthvað við svipinn en kveikti ekki á perunni fyrr en hún horfði á dóttur mína. Ég náttúrulega útskýrði að Steinunn væri nú bara frænka mín en það væri alltaf sagt að hún væri alveg eins og Berglind systir. Mjög skemmtileg bónus ferð þar!!!
5. Kynntist mjög fínni danskri stelpu í gegnum Aldísi vinkonu, þessi danska ætlar að verða yfirlesari hjá mér. Mjög fínt
6. Eignaðist litla frænku. Til hamingju Guðrún, Ásgeir og Þórhildur með litlu prinsessuna
7. Búin að liggja í rúminu í nokkra daga núna, mjög gaman eða þannig. Ofan á það bættist að Rósa frænka kom í heimsókn, hún velur alltaf besta tímann!!! Auk þess þurfti ég að læra... dead line á lokaverkefnum og svollis
8. Skellti mér á hestbak áðan með pabba gamla þrátt fyrir veikindin, komin með ógeð að hanga inni. Fór á hana Urði mína og tók hann Gáska litla í taum, það fór allt í vitleysu en reddaðist á endanum og þótt við pabbi lögðum af stað á sama tíma, komum við ekki heim á sama tíma og fórum alls ekki sömu leiðina. Eins og ég sagði það fór allt í vitleysu, missti Gáska, merin var leiðinleg og ég sagði pabba bara að fara á undan. Við þríeykið komumst loks aftur af stað og þá gekk allt mikið betur.
9. Náði að klára fyrra lokaverkefnið þegar ég kom heim, þarf núna að undirbúa kynningu á því sem ég á að halda á mánudaginn
10. Skrifaði þetta blogg

Þetta er allt og sumt í bili

Leti og leiðindi

2008-04-20T16:41:00.003Z

...búið að vera þema helgarinnar. Ég er búin að vera í einhverju massa leiðinda og letistuði um helgina. Ég ætlaði að vera úber dugleg og fara á hlöðuna, ná í heimildir og byrja á þeim 2 lokaverkefnum sem ég þarf að gera.... en þið giskið rétt, það varð ekkert úr þessum plönum mínum. Ég verð því að rífa mig upp á rassinum á morgun og leggjast í bækurnar, sem ég ætla að gera. Ég ætla að hitta Aldísi á hlöðunni og læra með henni þegar ég er búin að fara í ræktina og hitta járningarmanninn í hesthúsinu, það er nefnilega komið að járningu hjá hestalingunum mínum. Pabba stakk náttúrulega aftur af úr landinu og ég þurfti því að sjá ein um gjafirnar, sem er ekki neitt mál nema... hann Gáski er nýkominn í bæinn og þegar ég var að hleypa hestunum inn til að gefa þeim ákvað hann að skella sér í skoðunarferð um hesthúsin og stakk sér undir keðjuna. Ég þurfti því að hlaupa af stað til að ná honum áður en hann týndist í borginni. Allt fór betur en á horfðist. Þar sem ég eyddi ekki tímanum í lærdóm varð ég að finna mér eitthvað að gera og fyrir valinu varð skrapp, sem var gaman því það er dáldið langt síðan ég hef gefið mér tíma í það. Ég held ég verð samt að hætta þessu núna og skella mér í smá göngutúr með voffann minn....

Aðeins of mikill dugnaður

2008-04-12T22:21:00.002Z

Ég var eitthvað slöpp á mánudeginum seinasta en skellti mér samt í skólann og svo í ræktina, hélt að það myndi bara hressa mig. Mér var hins vegar svo kalt allan tímann í ræktinni, langaði helst að fara í sjóðandi heita sturtu og hreiðra svo um mig inn í flísteppi. Þetta gerði ég um leið og ég kom og reis ekki úr rekkju fyrr en seinni partinn á miðvikudaginn, fékk einhverja magapest. Ég missti því af ræktinni á miðvikudeginu og ákvað að bæta það upp á fimmtudeginum. Ég skellti mér í ræktina, tók hörku æfingu í c.a. 1 1/2 klst og fór svo að sækja Aldísi vinkonu. VIð fórum og fengum okkur hollan hádegisverð áður en við héldum í göngutúr með Lady. Hún var líka búin á hörkuæfingu í ræktinni en samt skelltum við okkur í næstum klst göngu. En dagurinn var ekki búinn hér, ó nei. Þegar ég var búin að keyra Aldísi heim og skila Lady af mér, fór ég í hesthúsið enda minn dagur til að moka og gefa. Ég skellti mér einnig í reiðtúr á honum Víði mínum þvú verðrið var svona voða fínt. Eftir því sem leið svo á kvöldið fór ég að finna meira og meira til í líkamanum. Ég vaknaði svo um nóttina með svaka verk í hnénu auk þess að það var stokkbólgið. Núna er ég því að reyna að hvíla það eins og ég get ásamt því að nota bólgueyðandi og kælipoka á hnéð, þýðir ekkert að vera með of mikinn aumingjaskap því það er ræktin á mánudaginn.

Algjör íþróttaálfur

2008-04-04T21:09:00.002Z

Konan er bara orðin líkamsræktarfrík!!!!!!!!!!!! Ég hitti einkaþjálfarann í dag og fót í vigtun og svona. Hann ætlar að útbúa prógramm fyrir mig svo ég geti náð öllum þessum leiðilegu aukakílóum. Ég var sem sagt í ræktinni í dag og svo fór ég í göngutúr með Lady ásamt litlu frænkum mínum, Steinunni Evu og Sunnu Maríu. Það endaði nú bara með því að ég þurfti að halda á litlu skvísunni stóran hluta af leiðinni, var e-ð þreytt greyið. Hún er svo að koma til mín í gistingu til mín á morgun. Við pabbi ætluðum svo á hestbak en það var bara búið að gefa þeim að borða þannig að við þurftum bara að snúa heim. Annars er nú ekki meira að frétta héðan, bara same old same old. Skóli skóli skóli!!!!!!!!!!!!!!!!!!!

Heilsuæði

2008-03-29T15:03:00.003Z

Jæja nú er konan byrjuð aftur í heilsuæðinu. Ég ákvað að skella mér með mömmu og Berglindi í ræktina, get ekki látið þær slá mér við og hverfa fyrir framan augun á mér. Fyrsti dagurinn var í gær og áttum við að vera hjá þjálfaranum en hann var veikur, greyið. Hann sendi mömmu planið mitt á maili og ég get svarið það að hann hefur ætlað að gera alveg útaf við mig í fyrsta tímanum. Ég var svo gjörsamlega úrvinda þegar ég var búin en mér leið samt vel. Ég finn pínu til þegar ég labba upp og niður tröppurnar heima hjá mér en annars er ég bara hress. Ég hef sem betur fer helgina til að jafna mig fyrir næsta session. Ég ætla sko að verða alger bomba.

Páskarnir búnir :(

2008-03-25T13:20:00.003Z

og gerði ég nærri því allt sem ég ætlaði að gera. Ég náði samt að klára þau tvö verkefni sem voru á dagskránni yfir páskafríið. Nú þarf ég bara að halda rétt á spilunum fram að prófum. Þið getið giskað í hvað tímann fór í hjá mér um páskanna þar sem hann fór ekki í lærdóm. Jáhá hann fór sko í hestamennskuna en við pabbi erum búin að vera mjög dugleg að ríða út í fríinu. Mamma og pabbi buðu okkur systrunum svo á Bítlatónleikanna og út að borða á Vox. Tónleikarnir voru bara alveg ágætir, þó ég sé nú ekki mikill Bítlaaðdáandi. Það hefði samt mátt sleppa þeim Björgvini Halldórssyni og Eyjólfi Kristjáns. KK sló hins vegar vel í gegn, langbestur þarna. Ekki hef ég nú mikið meira að segja ykkur í bili. Vona að allir hafi haft það gott um páskanna.

28 ára :)

2008-03-16T18:22:00.003Z

jáhá þá er maður orðinn einu árinu eldri :) Ég bauð nokkur góðum gestum í mat í gærkveldi og bauð upp japanskt kjúklingasalat ásamt hvítvíni og bjór. Það var mikið hlegið og talað og svo var spiluð ein umferð í Partý & co. Seinustu gestirnir fórum heim um hálf fimmleytið. Svo var bara um að gera að drífa sig á fætur, ganga frá eftir matarboðinu og gera klárt fyrir kaffiboð handa familíunni sem er eiginlega nýfarin heim. Litlu frændsystkini mín komu og líka nýjasta frænka mín, hún Erna Magnea, þannig að ég dró fram myndavélina.

Hér kemur uppskriftina að kjúklingasalatinu fyrir ykkur sem viljið.
Fyrir 6-8 manns

6-8 bringur, skornar í bita og steiktar á pönnu, og síðan Sweet Chili sósu hellt út á.
2-3 pokar blandað salat, eftir smekk
2 pokar instant núðlur, muldar og ristaðar á pönnu
200 gr möndluflögur, ristaðar á pönnu
2-4 msk sesamfræ, ristuð á pönnu
2 öskjur kirsuberjatómatar, skornir í tvennt
2 mangó
1 rauðlaukur

Dressing:
1 bolli ólífuolía
1/2 bolli balsamedik
4 msk sykur
4 msk sojasósa
Blandað saman við lágan hita.

Verði ykkur að góðu og takk fyrir mig!!!

Í sjálfsvorkunnarstuði...

2008-03-12T15:35:00.003Z

Ég sit hérna ein heima vafin í flísteppi að frjósa úr kulda, hnerrandi á tíu mínútna fresti, illt í höfðinu og eiginlega bara illt alls staðar, hálsbólga og stíflaður nebbi. Mig vantar einhvern til að stjana við mig (hvar er Guðmundur þegar maður þarf á honum að halda)...

Helgin í hnotskurn

2008-03-02T20:17:00.002Z

Föstudagurinn var nokkuð hefðbundinn, þannig séð, fyrir utan að ég fór að vinna hjá Intrum yfir daginn þar sem 80% af fyrirtækinu var komið eða var á leiðinni til London á árshátíð. Þegar vinnunni var lokið hélt ég heim á leið í smá chill og svo fór ég og náði í Lady. Við fórum í smá göngu og að gefa hestunum kvöldmat. Við Lady vorum svo einar í húsinu um kvöldið og sat ég þá föst við skrappið og horfði á Barnaby með öðru. Laugardagurinn rann svo í garð með yndislegu veðri þannig að ég ákvað að bjóða frændsystkinum mínum í göngutúr með mér og Lady. Það var mjög fínt, þó að kítingurinn í þeim systkinum geti reynt aðeins á taugarnar. Þau minntu mig pínu á mig og hann Hauk frænda/bróðir á yngri árum. Þegar ég var búin að skila þeim af mér hélt ég í hesthúsið til að moka og gefa. Mig langaði að gera eitthvað skemmtilegt um kvöldið og fórum við Halla út að borða á Café Paris. Það voru mistök sem eyðilögðu næstum kvöldið. Þjónustan var hræðileg og þjónustufólkið frekt og hrokafullt. Ég skil bara ekki hvernig hægt er að reka þjónustufyrirtæki sem svona þjónustu, ég meina eru engir standardar lengur. Ég held að eigindur Café París ættu að taka starfsfólkið sitt alvarlega í gegn. Við, alla vegna eftir að hafa látið starfsfólkið heyra nokkur vel valin orð, strunsuðum út og fórum í ísbúðina í Skeifunni, þar sem við fengum príma þjónustu. Ég, Halla og Erlu tókum svo nokkra Laugara eins og í gamla daga og kjöftuðum. Síðan var haldið heim á leið og þar skrappaði ég aðeins áður en ég skellti mér í háttinn. Dagurinn í dag var svo tekinn í sófanum í afslöppun. Mamma og pabbi komu heim frá London og vorum við systur leystar út með gjöfum. Við eigum svo yndislega foreldra. Nú sit ég hérna og horfi á loka þáttinn í Forbrydelsen og ætla að láta þetta nægja í bili og einbeita mér að imbanum...

Sumir dagar eru stórkostlega betri en aðrir...

2008-02-25T15:29:00.002Z

Gærdagurinn var einn af þessum dögum. Við pabbi skelltum okkur í hesthúsið fljótlega uppúr hádegi og fórum í fyrstu reiðtúra vetrarins. Betra seint en aldrei!!! Það er búið að vera svo mikið að gera og svo er veðrið búið að vera svo leiðinlegt að það hefur einhvern veginn ekki gefist tími fyrir miklar útreiðar, en í gær fórum við. Við byrjuðum að fara á Náttsól og Urði, þær stöllur voru nú ekki á því að fara mikið fetið. Ó nei það var sko tekinn sprettur allan hringinn, æðislega gaman hjá þeim. Ég var í einhverri tilgangslausri baráttu að reyna að halda aðeins aftur af Urði svo hún sprengdi sig ekki á fyrsta túrnum en gafst fljótt upp á því. Þær stóðu því gjörsamlega á öndinni er við komum aftur í hesthúsið, en ægilega ánægðar með sig. Næstir voru Golíat og Víðir. Ég var nú alveg viss um að það myndi verða miklu rólegra en nei... Víðir tók af stað á fljúgandi tölti úr innkeyrslunni og Golíat á eftir. Þeir voru jú ekki alveg á sama spaninu og skvísulísurnar, enda annar á 23 aldursári og hinn frekar hægur í förum þó hann sé að fara hratt. Þetta var alveg besti dagurinn í langan tíma, eina sem skemmdi aðeins var að hinn aldursforsetinn í húsinu okkar var eð skrítinn. Við komumst að þeirra niðurstöðu að greyið væri með hrossasótt (hestaflensa fyrir ykkur sem aldrei hafið stigið fæti í sveit, magakrampi og skemmtilegheit) og var því kallaður til dýralæknir. Við pabbi komum honum á fætur, ég togaði í hausinn og pabbi ýtti á rassinn og svo labbaði ég með hann fram og tilbaka þangað til dýri kom því ef ég stoppaði þá henti hann sér niður greyið. Dýri gaf honum 2 sprautur og var hann allur að koma til þegar við fórum heim. Ég ætla ekki að láta langt um líða áður en ég á annan svona dag.

Foreldrar mínir hafa ekki mikið álit á mér....

2008-02-19T15:11:00.002Z

en ég lenti í því áðan að bíllinn minn dó. Það kviknaði olíuljósið og það pípti, síðan kviknaði vélarljósið og svo dó bíllinn minn. Ég var að keyra á Sæbrautinni og náði að láta bílinn renna inn í Skúlagötuna. Þar sat ég, alveg í rusli og hringdi í mömmu. Og hvað haldið þið að hún hafi spurt: Er hann ekki bara bensínlaus? Þetta voru líka fyrstu viðbrögðin hjá honum pabba mínum. Hvað halda þau að ég sé??? Einhver algjör ljóska nýkomin með bílpróf!!!! Ohhh nei bíllinn dó... Úpps ég gleymdi að setja bensín á bílinn! Come on fólk! Annars held ég að ég sé búin að finna orsök vandans... vatn virðist vera orsökin og það kemur vonandi í ljós betur á fimmtudaginn þegar hann fer í check til Heklu. Ég kom honum á endanum í gang aftur og komst heim.

Amma fékk nöfnu í dag

2008-02-17T22:58:00.003Z

Hann Albert frændi var að skíra litlu snúlluna sína í dag og fékk hún nafnið Erna Magnea. Í höfuðið á föðurömmunni og afanum, en amma okkar heitir Magnea og afi hét Örn. Hún ber nafnið vel litla skvísan og hún er svo lík pabba sínum. Það er líka smá svipur af mér á henni. Ég set inn myndir af henni þegar ég fæ þær og þá getið þið dæmt um það sjálf.

Hún Helga hans Hauks frænda sendi mér myndir af mér og Sunnu Maríu frá því um jólin. Þær sýna vel hvað henni frænku minni finnst gaman að hnoðast á fjölskyldumeðlimunum.

Sunnudagur á morgun :(

2008-02-16T19:45:00.002Z

Kræst hvað dagarnir hverfa einhvern veginn. Það varð ekki eins mikið úr deginum í dag eins og ætlunin var. Ég fór aðeins á flakk með mömmu og Sunnu Maríu. Síðan fór ég með Lady í göngutúr og hún litla frænka mín vildi sko endilega fara með, þó hún væri nú ekki beint klædd fyrir slíkt. Maður þrasar sko ekki við litla skoffínið og hún fékk að koma með. Hún vildi sko líka halda ein í tauminn, svaka stór stelpa. Verst var að við vorum rennandi blautar þegar við komum tilbaka. Ég dreif mig svo í búðina, verslaði pínu og hélt svo heim í húsmóðurleik. Það á nefnilega að skíra litlu frænku mína (hana Helgu Kristínu eins og pabbi kallar hana) á morgun og ég lofaði mömmu að hjálpa til með því að baka smá. Og nú þegar það er búið þá ætla ég að setjast niður og læra aðeins. Jáhá það er sko alltaf líf og fjör á þessum bæ :o)

Ég er sko engin bévítans íþróttaálfur

2008-02-13T13:38:00.002Z

...komst sko að því í dag þegar við Erla mættum fyrsta daginn okkar í háskólaræktina. Ég var kannski aðeins of metnaðarfull og ætlaði sko að taka þetta með trompi. Spurningin er hins vegar hvort maður eigi ekki að gera þetta hægt og rólega og byggja upp smá þol og styrk. Hvað finnst ykkur? Næst er mæting í ræktina á morgun. Það er bara spurning hvort maður komist framúr??? Nei annars nú er bara harkan á þessu heimili, enginn helv... aumingjaskapur!!! Og svo verð ég aðalskvísan í bænum í sumar ;o)

I am Back!

2008-02-08T23:03:00.000Z

Ég endurvekja bloggið mitt og ætla að reyna að verða virkur bloggari. Ég veit ekki hvursu áhugavert þetta verður en mun reyna að hafa þetta líflegt. Ég get ekki sagt að það hafa orðið neinir stórviðburðir síðan í september þegar ég birti seinasta blogg. Skólinn gekk sinn vanagang með prófum í desember, sem gengu bara vel, og síðan tók við vel þegið jólafrí. Kózýheit heima hjá mömmu og pabba og góðar stundir með familíunni. En svo lauk himnaríkinu og janúar byrjaði og þar með skólinn. Ég get svo sem ekki kvartað mikið. Ég mæti bara einu sinni í viku í skólann, hina kúrsanna horfi ég á heima þökk sé tækninni og svo er ég líka að vinna í B.A. ritgerðinni minni, þ.e.a.s. fyrri B.A. ritgerðinni minni. Ég ætla að skrifa um danskar barnabókmenntir á árunum 1900-1950 og hvaða áhrif heimstyrjaldirnar höfðu á þær. Mér finnst þetta frekar spennandi efni og það verður vonandi áhugavert að vinna í henni.

Hestarnir mínir eru komnir í bæinn en það hefur nú ekki beint verið veður til mikilla útreiða. Ég fór svo með honum föður mínum norður í land um seinustu helgi og gisti á Gauksmýri. Í viðveru minni tók ég hann Gáska í reynsluprufu og það gekk bara vel. Við náðum bara ágætlega saman. Ég ákvað að hafa hann aðeins lengur á Gauksmýri og fara þangað aftur og prufa hann utandyra, þar sem ekki var hægt að fara í útreiðartúr vegna snjós.

Ég hef hins vegar nægan tíma núna fyrir bæði skóla og hestanna þar sem ég er nú hætt að vinna. Jamm er sko bara orðin iðjulaus námsmaður... jáhá sko bara lúksus líf á þessum bæ ;o)

Mér leiðist og hvað gerum við þá?

2007-09-23T16:42:00.000Z

Við bloggum... jey...

Annars er svo sem ekki frá miklu að segja frekar en venjulega. Skólinn er byrjaður og ég náði sumarprófinu. Allt er byrjað að falla í rútínu og ég eyði mest öllum mínum tíma í heimalærdóm. Eina sem ég hef að hlakka til á næstunni er að ég að fara með næstum öllu hressu skvísunum í móðurfjölskyldunni minni og Höllu Sif til Berlínar á októberfest. Eina skvísan sem kemur ekki með er hún frænka mín, Esther Ósk, en hún var að eignast litla skvísu í sumar og getur ekki alveg farið frá henni strax. Við verðum bara að skemmtu okkur aðeins meir fyrir hana :o) Í öðrum fréttum þá á ég ekki von á að ég nenni að halda þessu bloggi út mikið lengur þannig að njótið vel því þetta er að öllum líkindum seinasta bloggið mitt í langan langan tíma... Takk fyrir lesturinn í gegnum tíðina!

Jájá...

2007-08-18T22:14:00.000Z

ég veit að ég er búin að vera löt að blogga í sumar enda svo sem ekki búið að vera fréttnæmt sumar. Ég náði mér í einhverja hálsbakteríu þarna út í Danmörku og það tók mig þónokkuð langan tíma að losna við hana, meira að segja held ég að hún sé nú ekki alveg farin. Annars er maður bara búin að vinna, borða og sofa. Ég lenti í smá bílslysi á leið heim úr vinnu nú í byrjun ágúst, konan keyrði bara beint aftan á mig. Hún var nú ekki alveg að fylgjast með umferðinni og lenti aftan á mér á næstum því fullri ferð. Ég er búin að vera að drepast í bakinu síðan og missa helling úr vinnu vegna þess en nú er bara að reyna að harka af sér þar sem ekki er nú langt eftir af sumrinu. Það líður einnig hratt að sumarprófinu og er ég búin að sitja við og læra danska málfræði undanfarna daga. Ég var að læra fram að kvöldmat í dag en nennti svo ekki meir. Ég ákvað því þó það væri menningarnótt að vera bara heima í rólegheitunum og horfa á imbann og fara ekki alltof seint að sofa. Mér til mikillar ánægju virkaði bara ágæt dagskrá á RÚV og þar með talinn Les Rivières pourpres sem er ein af betri frönsku bíómyndum sem ég hef séð. Þið getið því ímyndað ykkur vonbrigði mín þegar myndin byrjaði og hún var talsett á ensku. Talsettar bíómyndir eru alltaf asnalegar og það er eitt þegar það er verið að dubba einhverjar lélegar Jackie Chan myndir en svona myndir á ekki að talsetja og það er hneyksli að RÚV skuli sýna þetta. Talsetningin eyðileggur algjörlega þessa annars frábæru mynd. Þetta ofbauð mér svo svakalega að ég settist niður og skrifaði mail til RÚV til að kvarta. Nú held ég að það sé komið nóg í bili, ætla að halda áfram að horfa á þessa frábæru mynd með þessu "fáranlega enska tali"

Tími á nýtt blogg????

2007-06-27T21:32:00.000Z

Nú er maður búin að vera heima í tæpar 2 vikur, gamangaman... Ég kom heim 17. júní og auðvitað lenti ég í veseni með flugið. Týpískt fyrir mig að lenda í seinkun á flugi og þ.a.l. missti ég af 1 árs afmæli litlu frænku minnar :o( Ég verð bara að reyna að kíkja austur sem fyrst á litlu fjölskylduna, sjá nýja heimilið (sem þau er búin að búa í dáldið langan tíma) og sjá nýjasta ferfætlinginn í fjölskyldunni. Aldrei hefði mér dottið í hug að ég myndi eiga eftir að heimsækja hana Örnu Lind í sveitina eða að hún ætti eftir að eiga hund en maður veit víst aldrei!!! Um kvöldmatarleytið kom stórfjölskyldan heim og það var ekta þjóðhátíðarmatur í kvöldmat. Pabbi grillaði pylsur og hamborgara og fjölskyldan skemmti sér vel. Eftir matinn var heiti potturinn nýttur og heimtaði Sunna María að fara með aba sínum og skemmti sér vel með honum og Addesi frænku.

Á mánudeginum var svo byrjað að vinna :o( en það var fínt. Ég kom hins vegar heim með einhverja flensu pest sem ég virðist ekki vera að ná úr mér þannig að ég byrjaði á að taka mér veikindafrí, mjög gaman þegar maður er nýbyrjaður í vinnu. Fyrstu helgina mína heima ákvað ég að nota í smá road trip og skellti mér vestur í Ólafsvík í heimsókn til ömmu og Ladyar. Það var mjög gott, alltaf gott að vera í Ólafsvíki en á laugardeginum byrjaði ég hins vegar aftur að veikjast. Ég reyndi að hrista það af mér en kl hálf 9 á mánudagskvöldinu gafst ég upp og fór heim úr vinnunni. Það var haldið beint upp á læknavaktina og skipaði ég lækninum að gera eitthvað því ég gæti ekki verið svona. Hann gaf mér pensillín en mér finnst það ekki vera byrjað að virka. Ég fór heim úr vinnunni á hádegi, alveg búin á því, raddlaus og hálfheyrnarlaus. Ég er að verða svo þreytt á þessu, nenni ekki að eyða sumrinu í svona vitleysu. Ég ætla að fara að kúra núna...

Nú er komið að því

2007-06-16T17:06:00.000Z

... maður er bara á leiðinni heim :o) Því fylgir nú smá söknuður því það er nú alltaf gott að vera í Danmörku en maður á örugglega eftir að koma fljótt aftur þannig að það er nú allt í lagi. Loka prófið á námskeiðinu gekk bara mjög vel og fengum við Vel bestaet í einkunn, sem var hæsta einkunnin, alls ekki slæmt. Um kvöldið var svo haldið afskedsfest og það var mjög gaman. Við fengum æðislegan mat og svo fórum við á hverfiskránna hans Kim Larsens en hann lét ekki sjá sig. Við rifum okkur upp snemma á föstudagsmorguninn og brunuðum inn í Kaupmannahöfn og þegar við vorum búnar að skila bílnum og koma töskunum fyrir var haldið í Fields. Þar tókst mér nú að eyða slatta pening á stuttum tíma. Deginum í dag ætluðum við svo að eyða á Strikinu, sem við gerðum, en það rigndi svo klikkaðslega mikið að við vorum orðnar blautar inn að beini þegar við komum aftur heim og nú nennum við eiginlega ekki út aftur, sem er s.s. ágætt þar sem við þurfum að vera komnar út á völl kl 11 í fyrramálið. Ég ætla að skella inn nokkrum myndum á eftir sem þið getið skoðað og svona til að ljúka þessu þá vil ég segja:

Elsku Halla mín

Innilega til hamingju með útskriftina! Ég vona að þú hafir átt frábæran dag og ennþá æðislegra kvöld ;o)

Loksinsloksins!!!!

2007-06-11T11:27:00.000Z

Allar einkunnir komnar og skvísan náði barasta öllum prófunum, auðvitað með misjöfnum árangri en þetta hafðist. Hér er hitinn að rjúka upp úr öllu valdi og ég að bráðna :o) Nú líður óðum að því að maður komi heim á klakann, auðvitað brúnn og sætur eins og manni einum er lagið. En með því líður einnig hratt að lokaprófi hérna í kúrsinum en það er á fimmtudaginn :o( en svona er lífið. Við rúllum því upp. Seinasta helgin verður svo í Kaupmannahöfn eins og áður hefur komið fram, en í staðinn fyrir að vera á hótel hefur okkur verið boðið að gista heima hjá gömlu vini hennar Sillu. Það er ágætt, spörum okkur pening þar og getum verslað að eins meir ;o) Ég reyni kannski að henda inn fleiri myndum í vikunni ef það er tækifæri til.

NYHEDER!!!

2007-06-06T08:18:00.000Z

Jæja nú er tími minn er í Danaveldi hálfnaður og óðum líður að heimferð. Áður en ég segi ykkur meira um dvöl mína hér vil ég byrja á að óska honum pabba gamla til hamingju með 50 ára afmælið á sunnudaginn. Trúiði því, kallinn bara orðinn fimmtugur???? Og ég missti af því :o( en ég hringdi nú samt í hann til að óska honum til hamingju með daginn og náði í hann ákkúrat þegar hann var á leið heim af reiðnámskeiðinu sem mútta gaf honum í afmælisgjöf. Hann var ansi kokhraustur eftir þetta helgarnámskeið og er barasta á leið í atvinnumennsku ;o) Annars nóg um það....

Hér er allt búið að vera í frekar rólegum gír. Bara skóli fyrri partinn af deginum og svo hangs seinni partinn. Við erum búnar að fara nokkrar ferðir í bæinn og höfum náð að eyða smá pening, erum samt að reyna að spara okkur fyrir seinustu helgina í Kaupmannahöfn :o) Ég er samt búin að kaupa mér pínulítið af fötum og nokkrar myndir, aðallega danskar en svo datt ég niður á eina af mínum uppáhaldsmyndum og ég stóðst ekki mátið þannig að hún fékk að fljóta með. Þetta er náttúrulega Cry Baby, snilldarmynd með snilldarleikara :o) Við fengum mjög gott veður hérna á afmælisdeginum hans pabba gamla þannig að teppin voru dregin út í garð og það var farið í sólbað. Ég var kannski aðeins of dugleg í sólbaðinu og líkist með stórum humri núna, auk þess sem ég fékk örugglega slæman sólsting þar sem ég eyddi kvöldinu hálf ofan í klósettskálinni, algjör illi. Þar sem ég var frekar slöpp var ég heima í gær og leiddist sjúklega mikið. Það er ekki mikið til afþreyingar hér í sveitinni, einungis ein sjónvarpsstöð og þar sem Silla tók tölvuna með sér gat ég ekki einu sinni horft á dvd :o( En jæja svona gengur þetta bara. Í gær var Grundlovsdag í Danmörku og vorum við bara í skólanum til hádegis. Eftir hádegi fórum við svo að skoða H. C. Andersen hús (sem ég veit hvar er (smá fjölskylduhúmor, nenni ekki að útskýra það)). Get ekki sagt að það hafi verið skemmtilegt, aðeins of langt. Eftir þetta þurfti ég á bjór að halda og settist ég með Sillu og Teng, sem er frá Kína og er með okkur á námskeiðinu, á írskan pub. Þar sátum við þangað til við fórum að hitta restina af liðinu í bíó. Við fórum að sjá nýja danska mynd sem heitir Cecilie, sem by the way var "en gyser film" eða hryllingsmynd. Ekki gott fyrir Agnesi, er alls ekki mikið fyrir svona myndir og fékk nokkrum sinnum fyrir hjartað og var pínu taugaveikluð þegar ég kom út. Myndin var hins vegar mjög góð og get ég mælt með henni ef hún kemur einhvern tímann heim. Jæja þetta er nú allt sem er í fréttum, skrifa kannski aftur seinna og set mögulega inn fleiri myndir.

Myndir komnar

2007-05-29T11:46:00.001Z

Albúmin heita Óðinsvé 1 og 2

Hvítasunnuhelgin

2007-05-29T08:38:00.000Z

kom og fór án nokkurra stór atburða. Það rigndi hér í Danmörku alla helgina og nenntum við lítið annað að gera en að glápa á imbann og föndra. Ég fór nú samt, á milli regntúra, í smá göngu til að hressa mig við :o) Við drifum okkur loksins í að taka nokkrar myndir og ætla ég að skella þeim inn á netið á eftir. En ætla að maður verði ekki að fara að fylgjast með kennaranum :o)

Danmörk

2007-05-24T11:11:00.000Z

Jæja nú er skvísan komin til Danmerkur. Við lentum á Kastrup á hádegi á þriðjudaginn og þá var náð í bílinn og brunað til Hasmark, en við leigðum hús þar. Okkur gekk ágætlega að finna placið en fengum samt pínu tilfelli. Þetta er eldgamall bóndabær, sem reyndar var gerður upp fyrir 50-60 árum, en allt inni í húsinu er hannað fyrir dverga, t.d. nær baðvaskurinn mér c.a. upp á miðlæri og ég þarf að snúa mér á hvolf til að drekka úr krananum. Við mættum svo úrvinda af þreytu á brautarstöðina til að hitta tvo af kennurunum sem eru með námskeiðið og þeir buðu okkur út að borða. Það er mjög gaman að vera komin "heim" aftur. Eftir matinn tókum við svo rúnt í háskólann bara til að vera öruggar um að finna hann morguninn eftir og haldið þið bara ekki að skvísan hafi ratað :) Miðvikudaginn mættum við svo um tíu og það var farið í útsýnisrúnt um skólann. Hann mjög stór og miklu flottari en háskólinn heima, þvílíkur lúxus ef skólinn heima væri svona þá sæi maður sko ekkert eftir "skráningargjöldunum". Eftir hádegi fórum við svo í fyrsta fyrirlesturinn hjá einum prófessornum í skólanum, hann er algjör snilld. Þetta er gamall karl, fullskeggjaður og mjög danskur. Hann verður mjög mikið með okkur og kennir okkur allt um danskar bókmenntir. Við röltum göngugötuna eftir skólann, keyptum okkur sólarvörn og fengum okkur danskt símanr. Þegar við komum svo aftur í Hasmark skelltum við okkur í göngutúr um sveitina. Ég ætla að reyna að setja myndir inn á myndasíðuna mína ef ég man notendanafnið og aðgangsorðið. Ég ætla líka að reyna að vera dugleg að setja færslur inn á þetta blessaða blogg ;o)

Sumarfrí :o)

2007-05-14T17:25:00.000Z

Loksins loksins... Prófin búin en vantar enn einkunnir, úr 4 af 5 fögum. Ég náði málfræðinni, sem ég er auðvitað mjög ánægð með það og vonandi gengu hinir áfangarnir jafnvel. Nú er bara vika í Danmörku og ég er farin að hlakka sjúklega mikið til. Á laugardaginn fór ég með Höllu í mat hjá vinkonu hennar og horfa á Eurovision. Það var mjög gaman, þær ákváðu að fara í drykkjuleik yfir stigagjöfinni. Við völdum hver okkur land til að halda með og í hvert skipti sem okkar land fékk stig þuftum við að drekka, sem skipti litli fyrir mig þar sem ég var að drekka kók auk þess sem ég hélt með Finnlandi. Ein sem var í partýinu hélt hins vegar með Serbíu og þurfti því að drekka dálítið mikið. Stelpurnar héldu svo í bæinn á Nasa en ég fór bara heim, þar sem ég var öll að fyllast af kvefi og er eiginlega búin að liggja í rúminu síðan. Ég ætla samt í vinnuna þar sem ég er nú búin að vera í löngu prófafríi og er hitalaus. Annars er ég frekar fúl yfir kosningunum, var að vonast eftir nýrri ríkisstjórn :o) og ekki virðist sem að Sjálfstæðisflokkurinn ætli að hlusta á vilja kjósenda um að losa sig við Framsóknarflokkinn :@ Hvað á maður að gera við svona þverhausa???? og þessa vitleysingja sem kjósa þá aftur og aftur????

Smá update

2007-05-06T15:07:00.000Z

Jæja eftir að vera búin að vera innilokuð síðan skóla lauk er nú ekki mikið í fréttum hér. Góðu fréttirnar eru þó að ég er búin með 3 próf af 4 og búin að fá einkunn úr einu og ég náði, jey. Næsta próf er þó ekki fyrr en á föstudaginn og er ég því bara búin að vera í chilli síðan ég lauk seinasta prófi, sem ég by the rúllaði upp :o) Eftir að hafa lokað augunum yfir öllu rykinu og drullunni hérna heima fór ég loksins í það að þrífa placið og er nú allt hreint og fínt. Ég fékk einhvern rosakraft og henti út gamla sófanum og setti nýja sófann saman, hörkudugleg skvísa... Á laugardeginum fór ég svo í 1 árs afmæli litlu krúsídúllunnar hennar Erlu vinkonu, svona barnaafmæli geta gert mann alveg úrvinda og eyddi ég kvöldinu í algjörri leti upp í sófa að glápa á imbann... Núna er ég bara að bíða eftir seinasta prófinu, sem við Halldóra ætlum að læra saman fyrir. Vonandi að það muni bara ganga vel, annars er ég ekki að nenna þessu prófaveseni og er bara farin að bíða eftir því að komast til Danmerkur.

Lífið gengur sinn vanagang...

2007-04-18T15:09:00.000Z

þótt ég sé löt að blogga. Eins og vanalega hefur nú ekki mikið gerst síðan seinasta blogg var póstað. Það er bara búið að vera skóli, vinna og hestar. Páskarnir komu og fóru á 1 sekúndu og ekki varð eins mikið úr þeim og áætlað var. Skvísan ætlaði að vera voða dugleg og læra en eins og þið vitið verður oft lítið úr svona plönum. Ég náði þó að klára Dogme ritgerðina mína og ríða dálítið út. Guðný vinkona átti 25 ára afmæli á mánudaginn og var surprise veisla haldin fyrir hana. Greyið fékk alveg áfall en var samt voða ánægð. Hún og Sigrún ætla svo að halda upp á sameiginlegt afmæli á laugardaginn. Það verður voða gaman, þó get ég ekki djammað neitt þar sem ég verð að víst að læra fyrir próf. Fyrsta prófið mitt er 28. apríl og seinasta er 11. maí. Lokapartý dönskudeildarinnar verður svo haldið 18. maí og svo er það bara Danmörk 22.maí. Nenni ekki að deila meira með ykkur núna kannski þegar ég hef frá meiru að segja.

Fyndið hvernig lífið lífið er stundum

2007-03-13T10:37:00.000Z

Ég er frekar heimakær manneskja og alls ekki mikill djammari, eins og þið vitið kannski. Samt er búið að vera frekar mikið að gera hjá mér undanfarið. Við systurnar fórum saman á Incubus tónleikanna þann 3. mars og það var GEGGJAÐ! Eini gallinn var að Mínus hitaði upp og ég fíla þá alls ekki. Áður en tónleikarnir byrjuðu var ég upptekin í því að farða deildina hennar mömmu fyrir Intrum árshátíðina (sem ég btw missti af). Ég farðaði 9 kellur og var gjörsamlega búin eftir það, langaði helst heim að sofa en þurfti bara að hressa mig við og kom mér í gírinn fyrir tónleikanna. Ég á alls ekki von á því að ég taki aftur að mér svona svakalegan fjöldi í einu í förðun þó þetta sé alls ekki slæmt dagskaup.

Ég er líka búin að koma mér á kaf í félagslífið í dönskunni. Við Silla erum að reyna að endurlífga nemendafélagið og fyrsta verk á dagskrá var árshátíð hugvísindadeildar. Við skipulögðum mat og partý. Ég pantaðu borð á Tapas barnum og svo var partý hjá einni á fyrsta árinu. Mætingin var ótrúlega góð en við vorum alveg 16 sem mættum, sem er ca 50% af deildinni að ég held. Maturinn var mjög góður, dáldið spes og góð stemmning í partýinu. Ég held samt að engin okkar hafi farið á ballið, sem er svo sem allt í lagi. Höfuðmálið var að skapa einhverja stemmningu í hópnum. Næst á dagskrá er svo víst próflokapartý í maí sem ég bauðst víst til að halda, en það verður bara stuð.

Ég er svo að fara í mánuð til Danmerkur á námskeið við Syddansk universitet með Sillu og fleiri skvísum úr dönsku deildinni. Þetta verður stuð og gaman að fara aftur að gamlar heimaslóðir. Ég ætla að reyna svo að heimsækja Louise til Vejle og fara með Sillu á hennar heimaslóðir í Danmörku. Við ætlum svo að eyða lokahelginni í Kaupmannahöfn í afslöppun og verslun. Ég er svo að vona að ég komist á Hróarskeldu með systu, þ.e.a.s. ef hún ákveður að fara. Ég er búin að fá vinnu í sumar hjá Intrum, sem verður sniðin að þessum ferðalögum mínum. Ég man barasta ekki eftir fleiri fréttum eins og er...

The people has spoken!

2007-02-28T22:13:00.000Z

Ég mun halda áfram með bloggið mitt, alla vegna í einhvern tíma, get samt ekki lofað að ég verði súper öflug. Ég skal samt reyna mitt besta. Dagurinn í dag er búinn að vera helvíti. Ég byrjaði á túr í dag og túrverkirnir eru búnir að vera að drepa mig. Ég er s.s. búin að liggja í fósturstillingunni í allan dag, hata þessa daga. Þannig að ég er ekki búin að gera handtak í allan dag og ég sem ætlaði að vera svo dugleg að læra. Ég verð því bara að vera helmingi duglegri á morgun og hinn og á sunnudaginn. Laugardagurinn nýtist ekki mikið í lærdóm þar sem ég er að fara að farða 8 intrumskvísur fyrir árshátíðina og svo förum við systurnar á Incubus tónleikanna í Laugardalshöllinni. Á föstudaginn er ég að fara í próf í enskri málfræði og svo ætla ég að hitta Söru og Sillu á kaffihúsi að gera verkefni. Á föstudaginn í næstu viku, þann 9. mars, er árshátíð hugvísindadeildar og erum við Silla búnar að vera duglegar að gera plön fyrir dönskudeildina. Við ætlum út að borða á Tapas barnum og svo er partý heima hjá einum dönskunemanum. Ballið byrjar svo um miðnætti og planið er svo að fjölmenna á ballið. Loksins e-ð að ske í dönskudeildinni. Jæja nú er nóg komið og ég ætla að hnipra mig aftur saman og horfa á sjónvarpið.

Ykkar er valið!

2007-02-18T18:43:00.000Z

Jæja fólk núna ætla ég að leggja það í ykkar hendur hvort þessari bloggsíðu verði haldið áfram. Hér inn ætla ég að setja spurningalista og ef 5 eða fleiri svara honum mun ég halda áfram að skella inn færslum en ef þáttaka verður ekki næg mun ég bara hætta þessu bloggi. Nú er valdið ykkar....

Tell me all about you!!!

1. Hefuru slegið einhvern í andlitið?
2. Hve gamall/gömul ertu
3. Frátekin/n eða einhleyp(ur) ?
4. Borðaru með höndunum eða notaru áhöld?
5. Dreymir þig á nóttunni?
6. Hefuru séð lík?
7. Hefuru óskað þess að einhver deyji?
8. Ertu að fíla Gogga Bush?
Nú þegar stöðluðu spurningarnar eru búnar, byrjum á góða stöffinu.
9. Hvaða speki hefuru á lífinu? Tekuru því of alvarlega?
10. Ef þú mættir gera hvað sem er með mér án þess að neinn fengi að vita af því. Hvað myndi það vera?
11. Treystiru lögreglunni?
12. Hlustaru á rokk? Ef svo hver er uppáhaldshljómsveitin þín?
13. Hvað er þín besta minning sem þú átt með mér?
14. Ef þú gætir breytt einhverju í fari þínu, hvað myndi það vera?
15. Myndiru deita mig?
16. Í hverju sefuru?
17. Hefuru pissað í sundlaug á meðan þú ert ennþá að synda?
18. Myndiru fela sönnunargögn fyrir mig ?
19. Ef ég myndi deyja á morgun. Hvað myndir ÞÚ gera með mér í dag?
20. Hvað finnst þér best um mig?
21. Er ég hot?
22. Hvað er uppáháldsliturinn þinn?
23. Ef þú gætir vakið eina mannveru til lífsins frá dauðum, hver myndi það vera?
24. Segðu mér eina heimskulega / tilgangslausa staðreynd um þig.
25. Muntu endurpósta þessu svo ég geti svarað þér?

Moldarbað er gott fyrir húðina

2007-02-17T20:49:00.000Z

þó ég myndi ekki mæla með aðferðinni sem ég notaði í dag. Ég fór með pabba, Eyvindi og Margréti í reiðtúr, Víðir var ekki alveg að nenna að halda í við þau og fórum við því bara rólega. Þegar við vorum alveg að koma til baka í hesthúsið mættum við 2 köllum á fleygiferð og spenntist Víðir aðeins upp við það og hljóp af stað. Við reiðhöllina var stór drullupollur og Víðir greyið datt og ég flaug af. Lenti á bakinu í drullupollinum og var bara eitt moldarflak. Ég endaði því á að fara heim á norsku ullarnærunum.

Ég veit að ég er búin að þjást af bloggleti - stórhættulegur sjúkdómur - en það er nú ekki mikið við því að gera. Ástæðan fyrir þessari bloggleti er nú að ekki hefur mikið verið að ske á þessu heimili. Það er bara búið að vera skóli, vinna og hestar upp á síðkastið. Ég lagðist í flensuna eins og restin af þjóðinni og lá í viku, miður skemmtilegt.

Ýmislegt er þó á döfinni þó að janúar og febrúar hafi verið daufir. Þann 3. mars næstkomandi er ég að fara á Incubus tónleika með systu, missi ég þó af Intrum árshátíðinni en það er allt í lagi, enda eru Stuðmenn að spila. Þeir eru þokkalega búnir að vera og spurning um að fara á ellilaun. Svo líður að hinum hræðilega degi, 27 ára afmælinu. Ég er nú ekki búin að gera nein plön en stelpurnar eru búnar að vera að reyna fá mig til að gera e-ð, þannig að ætla maður reyni ekki að hafa einhvern fögnuð.

Jólin búin og alveg að koma nýtt ár

2006-12-29T00:27:00.000Z

maður er búin að borða yfir sig og sofa alveg fullt... Ég vona að allir hafi haft það gott yfir jólin. Ég er orðin lasin og er búin að liggja í rúminu í 2 daga núna og sé fram á 3ja daginn heima :o( Annað kvöld er hins vegar fjölskyldumatarboð heima hjá ma & pa þannig að vonandi verður maður orðinn sæmilega hress. Ég ætla bara að vera róleg á gamlárs, fjölskyldan fer í mat í Kópavoginn og svo ætlum við Halla til Erlu vinkonu í spil og spjall (vonandi, þ.e. ef allir verða orðnir hressir á því heimili). Ég er enn að bíða eftir einkunum, það eru 2 komnar og ég náði báðum :o) það er bara vonandi að hin hafi gengið jafn vel. Ég vil bara óska ykkur gleðilegs nýs árs og þakka ykkur fyrir það gamla... Hlakka til að sjá ykkur á nýju ári :o)

Jólafríið byrjað,

2006-12-22T13:23:00.000Z

prófin búin og maður er komin í létta vinnu... Seinasta prófið var á miðvikudaginn eftar 3ja daga próftörn, kræst hvað maður er þreyttur. Fyrsta einkuninn komin og hún er úr fýlunni (fyrir ykkur sem ekki kannast við það þá er fýlan = heimspekileg forspjallsvísindi). Ég fékk bara 5, en who cares? þetta er búið og 5 þýðir að ég get hent fýlu glósunum og hreinsað þessa gagnslausu vitleysu úr hausnum á mér. Ég fór í gær í klippingu, kláraði að kaupa jólagjafirnar og kvaddi hana Guðnýju mína, áður en hún hélt í sveitina. Í kvöld er ég svo með 2 skvísur í neglur og 1 í plokkun og litun, betra að sprússa upp á liðið fyrir jólin. Nú á ég bara eftir að rúlla aðeins yfir placið og setja upp smá jólaskraut og þá er ég tilbúin fyrir jólin. Gleðileg jól allir (e.s. þið fáið engin jólakort, hafði engan tíma fyrir svoleiðis dútl...)

Próflestur

2006-12-18T05:22:00.000Z

jæja núna er klukkan hálf 6 á aðfararnótt mánudagsins 18. des og ég er enn að læra... þurfti nauðsynlega smá pásu og ákvað að kíkja inn á síðuna hennar Erlu vinkonu. Hún var með voða sniðugt kort þar og ég bara varð að gera svona fyrir mig ;o) (allt til að lengja pásuna) en þar sem ég er nú ekki mikill tæknisnillingur þá veit ég ekki hvort þetta mun virka hjá mér en ég reyni (ef ykkur finnst ég bara vera að röfla þá er það af því að ég er búin að vera læra síðan 12 á hádegi Í GÆR!)

http://www.world66.com/myworld66/visitedCountries/worldmap?visited=CADKFRDEGRISNLNOESSEUKTR">
> your own visited country map

Helvíti og dauði...

2006-12-01T23:10:00.000Z

það er komin sá tími ársins aftur... próf, próf og meiri próf :o( En þetta verður maður víst að þrauka til þess að geta klárað þennan blessaða skóla. Prófatörnin núna verður þó ansi strembin með 5 prófum sem byrja þann 8 des og klárast þann 20 des. Þar af tek ég 3 próf á 3 dögum, 18, 19 og 20 des... Ég ætla því í smá bloggfrí fram yfir jól og vil ég því óska ykkur gleðilegra jóla. Ykkur sem eruð í sömu sporum og ég óska ég góðs gengis :o)

Langt síðan síðast

2006-10-14T16:49:00.000Z

... ég veit. Ég er búin að vera svo löt í þessum bloggbransa enda svo sem ekki mikið skeð til að blogga um. Allur tími manns fer í skólann og vinnuna. Núna er þetta orðið uppsafnað þannig að hér koma smá fréttir

Ég tók mig til og hélt föndurkvöld. Mæting reyndist ekki vera eins góð og hún upphaflega leit út fyrir að hún yrði. Við enduðum hérna 3 saman. Ég, Sara og Erla, jú og auðvitað Hinrik Valur... Það var svo sem ágætt því að þegar við föndurskvísurnar vorum búnar að dreifa úr okkur var ekki mikið meira pláss fyrir neinn annan. Erla skutlaði svo litla gæjanum heim til pabba og náði í Guðný í baka leiðinni, sem by the way föndraði ekkert. Hún bara talaði og talaði og talaði og skellti í sig smá bjór. Síðan var skvísa farin á djammið. Við hinar sátum áfram fram á nótt við föndrið enda erfitt að hætta þegar maður er kominn á skrið. Þetta var rosa fínt kvöld, sem verður vonandi endurtekið við tækifæri.

Seinasta föstudag fór ég svo í vinnupartý en áður en það hófst skellti ég mér í smá bæjarflakk í leit að buxum, sem var kannski ekki svo sniðugt því ég kom heim með buxur, pils, bol, skó og stígvél (sem reyndar eru jólagjöfin mín frá foreldrunum). En jæja ég er nú á annað borð stelpa og verð nú að leyfa mér svona verslunarferðir öðru hvoru, er það ekki? Ég mætti því í vinnupartýið uppstríluð í nýju fötunum, ægilega ánægð með sjálfa mig. Partýið var svaka stuð og langt síðan ég hef hlegið svona mikið á einu kvöldi, en þessir krakkar sem ég er að vinna með eru algjört æði. Hópurinn nær svakalega vel saman og stefnt er á annað svona kvöld fljótlega.

Í gærkveldi var mér svo boðið í mat til Heiðu, heima hjá henni Erlu, en skvísan varð 24 ára á miðvikudaginn. Til hamingju með afmælið skvís. Hún eldaði fyrir okkur ægilega góðan indverskan karrýkjúkling, mér sem finnst yfirleitt allt með karrý vont fannst þessi réttur bara nokkuð góður. Ég á eftir að fá uppskriftina svo ég geti eldað fyrir familyuna. Skemmtilegast var þó bara að hitta stelpurnar allar saman, það skeður ekki nógu oft þar sem Heiða býr í Borgarnesi eins og er. Hún var náttúrulega með litlu Birtu með sér, sem hefur stækkað ótrúlega síðan ég sá þær síðast. Við sátum og spiluðum og kjöftuðum og hlógum fram eftir kvöldi. Ég keyrði þær svo í bæinn um 2leytið, var orðin frekar lúin þannig að ég fór bara heim að lúlla. Hrós kvöldsins á hann Hlynur en var einn heima með bæði börnin svo mömmurnar kæmust á djammið.

Nú er ég svo sem búin að stikla á stóru yfir atburði frá síðasta bloggi. Ég var að koma úr bíó með henni frænku minni. Ég skuldaði henni bíóferð frá því í sumar þar sem ég sagði við hana að við myndum fara "seinna" í bíó og síðan þá hafa foreldrar hennar ekki getað notað orðið "seinna" því að þá er hún upptekin, hún er að fara í bíó með Agnesi frænku. Ég ætla að skilja við ykkur með þessari grein sem kennari minn las upp um daginn í tíma úr gömlu kvennablaði, endilega kommentið á hvað ykkur finnst...

Housekeeping Monthly, May 13, 1955.
The Good Wife's Guide

Have dinner ready. Plan ahead, even the night before, to have a delicious meal ready, on time for his return. This is a way of letting him know that you have been thinking about him and are concerned about his needs. Most men are hungry when they come home and the prospect of a good meal (especially his favourite dish) is part of the warm welcome needed.

Prepare yourself. Take 15 minutes to rest so you'll be refreshed when he arrives. Touch up your make-up, put a ribbon in your hair and be fresh-looking. He has just been with a lot of work-weary people.

Be a little gay and a little more interesting for him. His boring day may need a lift and one of your duties is to provide it. Clear away the clutter. Make one last trip through the main part of the house before your husband arrives.

Gather up schoolbooks, toys, paper etc. and then run a dust-cloth over the tables. Over the cooler months of the year you should prepare a light fire for him to unwind by. Your husband will feel he has reached a haven of rest and order, and it will give you a lift too. After all, catering for his comfort will provide you with immense personal satisfaction.

Prepare the children. Take a few minutes to wash the children's hands and faces. (If they are small), comb their hair and, if necessary, change their clothes. They are little treasures and he would like to see them playing the part. Minimise all noise. At the time of his arrival, eliminate all noise of the washer, dryer or vacuum. Try to encourage the children to be quiet.

Be happy to see him. Greet him with a warm smile and show sincerity in your desire to please him. Listen to him. You may have a dozen important things to tell him, but the moment of his arrival is not the time. Let him talk first - remember, his topics of conversation are more important than yours. Make the evening his. Never complain if he comes home late or goes out to dinner, or other places of entertainment without you. Instead, try to understand his world of strain and pressure and his very real need to be at home and relax.

Your goal: Try to make sure your home is a place of peace, order and tranquillity where your husband can renew himself in body and spirit. Don't greet him with complaints and problems. - Don't complain if he's late home for dinner or even if he stays out all night. Count this minor compared to what he might have gone through that day.

Make him comfortable. Have him lean back in a comfortable chair or have him lie down in the bedroom. Have a cool or warm drink ready for him. Arrange his pillow and offer to take off his shoes. Speak in a low, soothing and pleasant voice. Don't ask him questions about his actions or question his judgment or integrity. Remember, he is the master of the house and as such will always exercise his will with fairness and truthfulness. You have no right to question him.

A good wife always knows her place.

Flug geðveiki...

2006-08-25T11:46:00.000Z

ok ég veit ég sagðist ætla að fljúga vestur ef possíið baylaði á mig en flugið fyrir mig eina kostar 23 000 kr, ég held ekki. Þetta er sko alls ekki á færi fátæks námsmanns. Ég vona bara að liðið komi með mér þannig að ég komist í sveitasæluna....

Sumarið að verða búið

2006-08-25T10:38:00.000Z

... loksins. Ég man aldrei eftir að hafa hlakkað svona til að sumrinu lyki og skólinn byrjaði aftur. Ég veit ekki hvað það er, kannski af því að það er ekki búið að vera neitt sumar. Alltaf rigning og rok. Sumarprófin eru búin núna og það gekk nú ekki vel í fyrra prófinu en seinna prófið gekk bara ágætlega, að ég held. Ég er að vinna til 5. september, skólinn byrjar reyndar 4. september en það reddast. Ég fékk voða kózý stundatöflu og er í fríi alla föstudaga. Stelpan kom sér því í smá auka vinna í Intrum og verð að vinna þar alla miðvikudagsmorgna og alla föstudaga og svo í úthringingunum. Maður verður víst að vinna fyrir sér. Ég virðist ætla að byrja veturinn með krafti þar sem það er búið að bjóða mér í 2 partý á sömu helginni. Vinnupartý með úthringiliðinu og svo "hass"partý á Ísafirði. Ég ætla að reyna að döbbla Höllu Sif, Helgu & Hauk og systu með, ef þau koma þá verða ég að bayla á vinnupartýið því þá verður líklega lagt af stað úr bænum á föstudegi. Hins vegar ef liðið ákveður að vera með félagsskít þá hugsa ég að ég reyni bara að fljúga á laugardeginum vestur og þá nær partýstelpan báðum partýunum ;o) Jæja er ekki komið nóg af bulli í bili... Ætla að halda áfram að vinna :o)

Dugnaðar bloggari eða hitt þó heldur...

2006-08-17T12:16:00.000Z

Ég veit að ég er ekki sú öflugasta í blogginu enda hef ég ekki beint frá miklu að segja. Maður er nú eiginlega bara búin að eyða sumrinu í vinnu og leti. Og sumarið er bara búið fljúga burt, það er komin miður ágúst og prófin eru byrjuð :o( Ég var í fyrsta prófinu í morgun og ekki gekk það neitt sérstaklega vel, enda ekki alveg nógu vel undirbúin og lasin í þokkabót. En jæja get ekki kennt neinum um nema sjálfri mér, ég er búin að hafa allt sumarið til að lesa og ég hef ekki gert handtak. Það er bara mjög erfitt að komast í lestrarham þegar maður á að vera í sumarfríi og alltaf ætlar maður að byrja um næstu helgi og áður en maður veit af eru prófin byrjuð :o( Ég ætla að reyna að vera súper nörd um helgina og lesa lesa lesa.... Ég ætla rúlla upp bókmenntasöguprófinu, enda er ekki séns í helv... að ég sitji þann áfanga aftur. Ekki er það nú meira væl frá mér í bili og getur nú bara verið að maður fari að hætta þessari bloggvitleysu þar sem enginn KOMMENTAR á dramað í lífi mínu ;o)

Hróarskeldugeðveikin 2006

2006-07-09T18:05:00.000Z

Jæja hér kemur ferðasagan... Við rifum okkur á fætur eldsnemma (eiginlega um miðja nótt) á miðvikudagsmorguninn og það var haldið út á flugvöll. Ég átti flug kl 7:15 en stelpurnar ekki fyrr en 7:45 þannig að ég þurfti að hinkra aðeins eftir þeim út en það var ekkert mál. Nú voru allir komnir til Danaveldis og var þá haldið í lestina og ferðinni haldið áfram til Hróarskeldu. Þegar við komum inn á svæðið hófst leitin að góðu tjaldsvæði, sem tók eina og hálfa klst með allt draslið á bakinu. Allt þetta labb var samt vel þess virði því við fundum pláss á svæði K, sem var ekki langt frá tónlistarsvæðinu. Eini gallinn var að við vorum umkringd svíum sem fóru meira og meira í taugarnar á okkur eftir því sem leið á helgina. Þegar við vorum búnar að tjalda fengum við okkur smá göngutúr í góða veðrinu og fengum okkur kvöldmat. Meira var nú ekki gert þennan miðvikudag.

Við vöknuðum eldsnemma á fimmtudagsmorguninn. Við notuðum bara tímann til að liggja úti í góða veðrinu og njóta þess að það var ekki rigning þar sem dagskráin byrjaði ekki fyrr en kl 17:30. Við lögðum af stað um 17 leytið til að ná Editors en þeir voru fyrsta hljómsveitin af þeim sem okkur langaði til að sjá til að stíga á svið. Þeir voru geggjaðslega góðir, góð byrjun á geggjaðri helgi og get ég vel mælt með þessari hljómsveit. Næst var planið að sjá Bullet for my valentine en meðan við biðum eftir þeim duttum við inn á tónleika með danskri hljómsveit, Magtens korridorer og voru þeir bara nokkuð góðir. Bullet for my Valentine voru næstir og ollu þeir ekki vonbrigðum. Guns ´n roses voru stærsta band fimmtudags og vorum við búnar að hlakka mikið til að sjá þá. Þeir voru samt sú hljómsveit, sem að mínu mati, stóð ekki undir væntingum. Við biðum í heilan klukkutíma eftir að Axl Rose drullaði sér svið, sem hann gerði þegar búið var að púa tvisvar. Ég verð samt að gefa manninum það að hann er öflugur söngvari og góður skemmtikraftur, þ.e. þegar er á sviðinu. Hann var nefnilega líka öflugur í því að taka sér pásur, söng 2-3 lög og tók svo pásu o.s.frv. Fólk var orðið frekar fúlt og margir sem létu ekki bjóða sér þetta og fóru. Við ákváðum að þrauka þar sem það er nú ekki á hverjum degi sem að maður fær að sjá Guns ´n roses. Allar tafirnar urðu þó til þess að við misstum af Sigurrós en það verður bara að hafa það.

Á föstudeginum kom svo hitinn... Við vöknuðum í svitabaði eldsnemma um morguninn og ekki var kaldara fyrir utan tjaldið. Við nýttum daginn í sólbað og urðum svoldið bleikar, þ.e. ég og Alma Rut. Hún Berglind varð bara brún ;o) Föstudagurinn var alls ekki síðri en fimmtudagurinn. Við röltum okkur upp á tónleikasvæðið um 17 leytið og var planið að byrja á að sjá Kaizers orchestra, sem voru allt í lagi. Næstir voru svo Morrisey og Bob Dylan, sem voru náttúrlega bara púra snilld. Eftir Bob Dylan röltum við okkur niður á Odeon og hlustuðum á Death cab for cutie, sem ég var að heyra í í fyrsta skiptið og skemmti mér alveg þrusu vel. Planið var að enda á Arena á tónleikum með Kashmir, sem er dönsk hljómsveit, en þá voru samferðamenn mínir orðnir dáldið þreyttir þannig að við fórum upp í tjald að sofa. Ég keypti mér hins vegar disk með þessari hljómsveit og get vel mælt með að fólk skoði hana. Hún er þrusu góð.

Laugardagurinn var enn heitari en föstudagurinn og við Alma Rut vorum að kafna í hitanum, Berglind spilaði sig kalda og og gerði grín að okkur. Tónleikarnir hófust kl 17 á Orange með Deftones, Primal scream og Tool. Eftir allt þetta rokk róuðum við okkur niður á Odeon á tónleikum með Under byen. Eftir þetta var smá bið í næstu tónleika sem okkur langaði að sjá þannig að við ákváðum að drepa tímann og kíkja á Kanye West. Guð minn góður hvað það var leiðinlegt, sem betur fer fórum við næst á tónleika með HIM, finnskri rokkhljómsveit, og það var geðveikt gaman. Mig langaði líka að sjá Amplifier en þeit voru klukkan hálf 3 hinum megin á svæðinu þannig að við nenntum ekki hlaupa þangað yfir.

Sunnudagurinn var örugglega besti dagurinn af frábærum dögum. Við byrjuðum á Artic monkeys, ég reyndar náði ekki mikið af þeim þar sem að ég fékk smá sólsting og þurfti að setjast niður og drekka mikið af vatni. Það sem ég heyrði var samt geggjað gott. Sunnudagurinn fór svoldið í hlaup á milli sviða. Næst fórum við á Orange á The Strokes, svo aftur á Arena á Placebo og svo aftur yfir á Orange á Franz Ferdinand. Við Berglind skildum svo Ölmu Rut eftir á Franzinum og fórum að hlusta á The Raconteurs, sem voru hrein snilld. Roger Waters lokaði svo hátíðinni og það var... vá get eiginlega ekki lýst þeim. Tónleikarnir voru alveg brilljant upplifun.

Við vöknuðum eldsnemma á mánudagsmorguninn og tókum niður tjaldið og hófum heimferðina. Við byrjuðum á því að þvo af okkur útilegurykið og tókum svo strætóinn inn í Hróarskeldu. Það var sjúklega mikið af fólki á lestarstöðinni og ekki fræðilegur möguleiki á að komast að til að kaupa miða í lestina. Við gáfumst upp á að bíða og ákváðum að taka leigubíl til Kaupmanna hafnar, sem við gerðum og kostaði það einungis 446 kr. Við skelltum farangrinum í geymslu og héldum á strikið. Við versluðum smá, nenntum því eiginlega ekki. Alltof heitt. Við enduðum svo daginn á Jensen´s bofhus og borðum alvöru mat með hnífapörum við borð ;o) Ég hélt svo áleiðis út á Kastrup til að fljúga heim en stelpurnar voru fram á þriðjudag. Ég kom út á völl og þar var allt í hassi út af einhverju verkfalli og fávitaskap og leti í dönunum. Þetta endaði allt með 2ja tíma seinkun á fluginu og ég var ekki komin heim til mín fyrr en kl hálf 2 um nóttina og með kvef og hálsbólgu ofan á allt saman. Ég vaknaði svo kl 8 um morguninn og fór í vinnuna en það var eini dagurinn þessa vikuna sem ég mætti til vinnu, þar sem heilsan leyfði ekki meir. Ég er samt öll að koma til og er nokkurn veginn búin að fá röddina tilbaka. Myndirnar koma svo seinna þegar Berglind setur þær inn í tölvuna...

The computer genius strikes again...

2006-06-27T19:39:00.000Z

þá klúðraði ég málunum enn og aftur. Gellan ætlaði að vera voða flott á því og breyta lúkkinu á síðunni og eyddi í leiðinni öllum tenglum. Þannig að ef þið kíkjið inn þá endilega kvittið fyrir ykkur og setjið linkinn á síðurnar þannig að ég geti bætt þeim aftur inn :o) vi sís

Á leið á Hróarskeldu...

2006-06-26T11:31:00.001Z

á miðvikudaginn :o) Blogga þegar ég kem heim aftur...

Til hamingju með afmælið Steinunn Eva :o)

Røv og nøgler...

2006-05-19T22:03:00.000Z

Fjand... tölvan mín dó rétt fyrir prófin og fór ég með hana í viðgerð, sem er svo sem ekki frásögu færandi, nema það tók þá 2 vikur að finna út hvað var að og svo aðrar 2 að gera við hana. Svo er tölvan ekki einu sinni í lagi, þeir eru samt búnir að laga það sem var að þegar ég fór með hana. Núna er það diskadrifið og e-ð annað skrítið að henni. Ég er alvarlega farin að halda það að tölvum sé einfaldlega illa við mig og þær séu búnar að skipuleggja e-ð svaka samsæri á móti mér. Eða þá að tölvugæjarnir eru að svindla stórlega á mér :( Við svona tilfelli er einungis hægt að segja Røv og nøgler ;-)

Nú er maður svo byrjaður að vinna, ég tók mér einungis 1 dag frí eftir prófin. Ég vildi að ég hefði tekið mér aðeins lengra frí til að jafna mig eftir þessa klikkuðu próftörn, en það er of seint núna. Ég er búin að eiga erfitt með að halda mér vakandi alla vikuna og hlakka ég því mikið til að taka því rólega núna um helgina og sofa :o) Mér gekk ágætlega, að ég held, í prófunum en það er einhver silagangur í þessum blessuðu kennurum að fara yfir prófin :( Ég er búin að fá einkunnir úr 2 prófum af 7 og þau gengu bara fínt. Núna ætla ég að hætta þessu röfli og fara að glápa á imbann. Eigið gott eurovision kvöld á morgun, þið ætlið enn að horfa þó að Ísland sé ekki með, og þið hin sem eruð í fýlu, jafnið ykkur og finnið ykkur e-ð skemmtilegt að gera ;o)

Prófin búin...

2006-05-15T19:02:00.000Z

Jæja þá eru prófin búin og það gekk bara ágætega, að ég held. Ég er ekki búin að fá alla einkunnir en þær hljóta að koma á næstu dögum. Ég nenni ekki að blogga meir núna, er alveg úrvinda úr þreytu...

Gleðilega páska allir samann....

2006-04-15T00:16:00.000Z

og passið nú að borða ekki yfir ykkur af páskaeggjum. Jæja nú er komið að því leiðinlegasta tíma skólaársins, próf framundan :o( og mun ég þar af leiðandi taka smá bloggfrí. Maður verður víst að einbeita sér að próflestri. Ég ákvað samt að skrifa smá á meðan ég horfi hérna á eina af uppáhaldsmyndunum mínum, Benny og Joon, en eins og þið vitið sem þekkið mig þá ELSKA ég Johnny Depp. Þið hafið nú örugglega flest heyrt af óhappi mínu í hesthúsinu fyrir viku síðan, en fyrir ykkur sem ekki hafið heyrt þetta hér kemur sagan. Ég, sem sagt, fékk dýra til að koma og merkja og sprauta nýjustu fjölskyldumeðlimina þá Spuna og Gáska. Við vorum sem sagt búin að merkja hann Gáska og röðin var komin að honum Spuna mínum. Hann er bara 2ja ára og varð víst heldur hræddur þegar við komum tvö inn í stíuna hans. Hann prjónaði og ég var heldur sein að færa mig og fékk aðra framlöppina í höfuðið. Ég fékk þennan fína skurð á höfuðið og þurfti á slysó, þannig að ég hringdi í hann föður minn og bað hann að sækja mig. Dýri batt um sárið og pabbi keyrði mig á slysó. Ég á svo samúðarfulla fjölskyldu að meðan ég settist inn í dróg kallinn upp símann sinn til að taka mynd af mér og Berglind systir hlóg að mér þegar ég hringdi til að segja henni hvað kom fyrir... Æðisleg fjölskylda, ha? Mamma var sú eina sem hafði smá áhyggjur. Annars hafði ég engan tíma fyrir svona slysó stúss, ég var með matarboð kl 19 og svo var Guðný vinkona að koma heim um kvöldið eftir 7 mánaða dvöl á Indlandi. Velkomin heim Guðný. Þetta eru nú stærstu fréttirnar héðan, núna erum við bara að bíða eftir að litli boltinn hennar Erlu komi í heiminn. Ég læt aftur heyra í mér eftir prófin, knús og kossar þangað til :o)

Jeg er så glad

2006-04-04T18:58:00.000Z

... skolen er næsten færdig :o) Það eru einungi 3 dagar eftir af skólanu, jæja eiginlega bara 2 þar sem það er frí á fimmtudögum. Á föstudaginn eftir hádegi er ég svo komin í langt upplestrarfrí. Hasarinn byrjar svo 2 maí og honum lýkur 15 maí. Óskið mér góðs gengis því það verður nóg að gera, enda þarf ég að fara í 8 próf :'(

Það sem á daga mína hefur drifið

2006-03-20T16:37:00.000Z

... Stærsti viðburður síðast liðnu daga mun hafa verið afmæli mitt, 26 ára trúið þið því, og einnig er alveg heilt ár liðið síðan ég flutti heim frá Danmörku. Það er alveg ótrúlegt hvað lífið líður hratt. Í tilefni þess ætla ég að rifja upp atburði síðasta árs... Ég flutti heim 1. mars 2005 alveg harðákveðin í því að fara í verknámið og gerast löggildur snyrtifræðingur. Þið sem þekkið mig vitið að mín plön standast aldrei. Ég kunni nú ekki alveg við mig sem starfandi snyrtifræðingur og sneri mér því að nýjum framtíðarplönum. Og viti menn að háskólanám í dönsku varð fyrir valinu. Ég veit ég veit... Danska haha, stúlkan sem hataði dönsku sem barn. Ég held hins vegar, krossleggið fingur fyrir mig, að ég sé búin að finna minn stað í lífinu. Ég er einnig búin að ákveða að taka tvöfalt B.A. próf og taka líka sagnfræði og svo að taka, að öllum líkindum, kennsluréttindinn. Agnes kennari, hljómar það ekki vel ;o) Önnur stór breyting í mínu lífi var að ég flutti í Blikahólanna, mína eigin íbúð, samt ekki alltof langt frá þeim gömlu. Það getur verið mjög gott að geta skotist heim í mat og svona. Ég held að maður megi ekki taka lífinu of alvarlega og það sé um að gera að prófa allt sem manni langar til að prófa og ef það gengur ekki upp þá er það alltaf lífsreynsla :o)

Ég er hins vegar óheppnaðasta manneskja sem til er... ég átti frábæran dag í gær, fór í hesthúsið og naut þess að vera út í náttúrunni. Ég fór svo í mat til mömmu og svona. Ég fór svo heim til að ná í mynd sem ég þurfti að skila á videoleiguna og á leiðinni aftur út datt ég niður stigann, ekkert alvarlega missti af seinustu tveim tröppunum :o( og lenti á maganum neðst niðri. Þannig að í dag er ég með bólgin ökkla og öll lemstruð. Misheppnuð, ha???

Jæja ekki er nú meir í fréttum eins og er...

Kaupmannahöfn

2006-03-09T12:11:00.000Z

Það er alltaf jafn gaman að koma til Danmerkur... Við mamma flugum á fimmtudagsmorgninum, tókum okkur einn aukadag í frí. Þegar við vorum búnar að koma okkur fyrir á hótelinu, sem var mjög flott, var haldið í Fields til að versla. Við getum bara sagt að Agnes missti sig aðeins í búðunum, keypti árshátíðardress og margt fleira. Á fimmtudagskvöldið fórum við svo út að borða með fleiri Intrum-liðum á mjög góðan veitingastað í Nýhöfn, sem heitir Zeleste. Kvöldið var mjög skemmtilegt, mikið hlegið og smá drukkið. Við fórum hins vegar tiltölulega snemma að sofa, enda orðnar dálítið þreyttar eftir allt ferðalagið. Á föstudeginum var svo Strikið tekið með trompi, í snjókomunni... Það hlaut að koma að því að Íslendingar þyrftu að fara til Danmerkur til að sjá snjó og snjóaði bara töluvert að dönskum mælikvarði. En maður er íslendingur þannig að maður dúðaði sig bara og hélt út í ósköpin. Snjókoman hafði allavegna ekki mikil áhrif á verslunina og gufuðu peningarnir upp. Um kvöldið fórum við svo út að borða á Pétri Uxa með 20 öðrum Intrum-liðum, fengum frábæran mat og góða drykki með. Aumingja hitt fólkið á veitingastaðnum þar við hegðuðum okkur að íslendingasið, s.s. ekki hljóðlát. Mikið talað og hlegið. Þegar við komum svo aftur upp á hótel fór ég og hitti aðeins mitt samstarfsfólk í úthringingunum. Við mamma ákváðum svo að sofa út á laugardeginum og bíða eftir pabba gamla með að fara á röltið. Hann, hins vegar, þurfti að vinna og sendi okkur mæðgurnar einar á röltið. Um kvöldið var svo árshátíðin, góður matur, gott vín og góður félagsskapur. Á sunnudagsmorguninn flaug ég svo heim með mitt kvef og hálsbólgu. Allt í allt var helgin góð...

Módel vantar!!!!

2006-02-16T22:17:00.000Z

Jæja fólk... nú er komið að því. Ég ætla að reyna að aulast til að taka naglaprófið, búin að vera ýta því undan mér enda svo sem búið að vera nóg að gera með skóla og vinnu. Þannig að nú vantar mig módel til að æfa mig. Áhugasamir endilega látið vita. Naglastofan verður örugglega opin á þriðjudögum, fimmtudögum og um helgar....

2006-02-11T21:36:00.000Z

Hún Esther frænka skoraði á mig, þannig að ég ákvað að svara áskorunni:

Fjögur störf sem ég hef unnið.
1. Reiðkennari
2. Kassastarfsmaður/vaktstjóri
3. Gjaldkeri
4. Þjónustufulltrúi
Fjórir staðir sem ég hef búið á
1. Reykjavík
2. Hólar í Hjaltadal
3. Þýskaland
4. Óðinsvé, Danmörk
Fjórir sjónvarpsþættir sem ég fíla.
1. CSI
2. Lost
3. Desperate housewife
4. Law and order: S.V.U
Fjórir staðir sem ég hef ferðast til
1. Norðurlöndin
2. Bretland
3. Holland
4. Kanada
Fjórar vefsíður sem ég skoða daglega
1. mbl.is
2. hi.is
3. hcandersenhus.blogspot.com
4. man ekki eftir fleirum
Fjórar uppáháldsmatartegundir.
1. Kjúklingur
2. Lærisneiðar í hrísgrjónum
3. heimagerð pizza
4. og örugglega eitthvað meira
Fjórir cd sem ég get ekki verið án.
1. Live diskarnir mínir eru algjörlega nauðsynlegir
2. Pearl Jam
3. Foo Fighters
4. og allir hinir rokkdiskarnir mínir

Jæja ég ætla að skora á Berglindi systir (þá kannski aulast hún til að blogga), Erlu, Guðnýju og alla hina sem vilja taka áskoruninni...

Agnes Guðmóðir :o)

2006-02-11T21:17:00.000Z

ég fékk æðislegt símtal í dag frá henni "mágkonu" minni og var ég beðin að um að vera guðmóðir litlu risa snúllunar minnar, Sunnu Maríu. Ég þáði auðvitað boðið, ekkert smá stolt yfir því að vera beðin. Nú er það næsti viðburður á félagsdagskránni og mikið tilhlökkunarefni.

Næst er það svo Danmerkurferð, enn og aftur. Ég er samt farin að hlakka mikið til, best er að maður þarf lítið sem ekkert að borga en fyrirtækið borgar meirihlutann, þar sem þetta er nú árshátíðarferð. Við mamma ætlum að fara degi fyrr og bara slappa af og versla.

Annars eru þetta nú stærstu fréttirnar þessa daganna... Maður er loksins komin aftur í skólann, þó það sé nú erfitt að koma sér aftur af stað eftir svona langt frí. Allt hefur gengið vel eftir aðgerðina, ég er ennþá dálítið aum en það er bara eðlilegt. Allt að gróa og svona... Jæja nenni ekki að röfla meir í bili... Ciao ;o)

Þá er maður búin að fara í fyrsta sinni til Keflavíkur

2006-01-18T22:58:00.000Z

Í dag fór ég í hina margumræddu brjósaminnkun. Ég fór af stað eldsnemma í morgun með móður minni og við héldum til Keflavíkur, en aðgerðin var framkvæmd þar. Við ströggluðum dálítið við að finna sjúkrahúsið, en það fannst á endanum. Okkur var vísaði inn í herbergi þar sem ég fékk alveg über töff föt til að fara í ;O) Ég þurfti þó að bíða smá eftir að komast í aðgerðina, en áður en ég komst þangað inn kom læknirinn og teiknaði á mig. Þetta var alveg eins og extreme makeover. Aðgerðin heppnaðist bara vel, enda er ég komin heim í faðm fjölskyldunnar. Mamma þurfti endilega að koma með einn hefðbundinn fjölskyldubrandara... Hún sagði að ég þyrfti nú að ganga bein í bakinu til að flagga því litla sem ég hefði :o) finnst ykkur hún ekki fyndin, reyndar held ég að ég hafi ekki haft svona lítil brjóst síðan ég var 12-13 ára. Núna sit ég hérna í sófanum hjá mömmu og pabba og reyni að hreyfa mig sem minnst því það er dálítið vont. Verst finnst mér þó að missa af skólanum og geta ekki farið á hestbak, en maður verður víst stundum að fórna einhverju til að græða eitthvað. Ég er búin að setja stelpunum fyrir það verkefni að taka fyrir mig glósur og Berglindi að hreyfa hestanna... Þetta eru nú stærstu fréttinar úr mínu lífi þessa daganna, vona að ykkar séu aðeins sársaukalausari...

Gleðilegt nýtt ár allir saman

2006-01-08T03:11:00.000Z

Ég vona að allir hafi haft það gott um jólin og notið áramótanna. Ég hafði það mjög gott í faðmi fjölskyldunnar um jólin, borðaði yfir mig af góða matnum hennar mömmu og svaf mikið. Áramótin voru bara róleg, enda eins og flestir vita er það leiðinlegasta djammkvöld ársins. Við vorum heima þessi áramót og nutum "nýja" húsins, góðs matar og góðs félagskapar. Eftir rólegt áramótakvöld með fjölskyldunni fór ég heim í æðislega rúmið mitt. Annars er nú búið að vera rólegt hjá mér á þessum fyrstu dögum ársins. Maður er aðallega búin að sofa alltof mikið og þess á milli fór maður í vinnuna. Kvöldið í kvöld var þó langþráð tilbreyting, en ég æðislega jólagjöf frá systur minni. Hún gaf mér miða á Hættu tónleikanna, þannig að við fórum ásamt Áslaugu og Ölmu Rut að njóta góðrar tónlistar. Fyrir minn smekk voru þó sumar hljómsveitarnar aðeins of "out there" eða hafið þið ekki tekið eftir því að við íslendingar eigum dálítið mikið af furðulegum tónlistarmönnum. Hápunktur kvöldsins var án efa þegar Damien Rice steig á svið, þessi maður er algjör tónlistarsnillingur. Margir góðir tónlistarmenn spiluðu og hóf KK tónleikanna þrusuvel. Þó ég sé ekki mikill Sigurrósar aðdáandi, þá finnst mér þeir góðir og ég varð fyrir dálitlum vonbrigðum með hvað þeir spiluðu stutt. Það hefði nú mátt sleppa sumum sem þarna fram komu eða alla vegna stytta þeirra spilunartíma. Tónleikarnir voru þó í heildina mjög góðir og hljómsveitin Egó endaði kvöldið mjög vel, þó að Bubbi litu út eins og hoppandi hálfviti á sviðinu. Eftir tónleikanna enduðum við á Ara í Ögri og sátum þar í góðum fíling. Ég skildi svo stelpurnar eftir þar og hélt heim á leið um hálf þrjú.

Jólin komin

2005-12-24T01:06:00.000Z

jæja fólk... þá eru enn og aftur komin jól. Það er alveg ótrúlegt hvað tíminn líður hratt, mér finnst svo stutt síðan að ég var að undirbúa jólaheimsókn frá Danmörku. Nú eru prófin búin og gekk mér bara ágætlega, að ég held. Það kemur í ljós fyrr eða seinna hvernig gekk. Núna ætla ég bara að einbeita mér að því að njóta jólanna og fjölskyldunnar. Það verður margt um manninn hjá okkur um jólin, því fyrir utan hina venjulega grunuðu þá verða báðar ömmur mína og litli bróðir hans pabba með okkur. Seinna um kvöldið bætast svo við Haukur og Helga og yndislegu dúllurnar þeirra. Aldrei þessu vant er ég alveg tilbúin fyrir jólin. Búin með jólaþrifin, jólainnkaupin og meira segja búin að pakka inn jólagjöfunum. Sama er þó ekki hægt að segja um fjölskylduheimilið, en það verður þó vonandi tilbúið fyrir jólahald fyrir klukkan 18 annað kvöld. Ég vil bara óska ykkur öllum gleðilegra jóla og vona að njótið þeirra alveg til hins ýtrasta...

Próf próf próf

2005-12-10T17:10:00.000Z

jæja þá er prófatímabilið hafið og maður búin að vera innilokaður inni að læra. Ég er búin með tvö próf af fimm, jey... Fyrsta prófið var munnlegt próf í danskt mál og málnotkun og auðvitað rúllaði ég því upp ;o) neinei kannski ekki alveg en það gekk samt bara nokkuð vel. Í dag var svo málfræðiprófið, sem mér kveið þó nokkuð fyrir, en ég er búin að vera í svona studiegruppe með Söru og Halldóru og það reddaði mér alveg fyrir prófið. Nú er prófið búið og ég held að það hafi bara gengið ágætlega, er alla vegna búin að ná (held ég!). Ég er alveg búin á því núna og ætla því bara að taka því rólega í kvöld. Svo er bara að hefjast handa og læra fyrir hin prófin...

Engar áhyggjur...

2005-11-25T18:24:00.000Z

er á lífi. Hins vegar á ég ekkert líf þessa daganna. Ég er búin að liggja í rúminu næstum alla vikuna eins og hálft Ísland, þannig að ég hef ekki stigið fæti út fyrir húsins dyr. Týpískt samt þegar maður er loksins orðin hraustur og getur gert eitthvað þá er bara enginn laus :o( Við getum hins vegar fagnað því að einungis vika er eftir af skólanum, verra er samt að þá taka prófin við... Við verðum bara að horfa á björtu hliðarnar því þegar prófin eru búin þá er jólafrí :o)

Ég verð samt að segja að ég hlakka til þegar ég er orðin stór og á pening til að kaupa mitt eigið heimili... Helst í einbýli!!! Og losna við þessa illa geðbiluðu nágranna sem ég á. Sumt fólk á einfaldlega ekkert líf og þessi tiltekni maður virðist fá eitthvað kikk út úr því að hrella mig. Hann er ljúga upp á mig einhverju rugli og svo króaði hann mig af niðri í þvottahúsi og öskraði á mig. Ég meina er ekki hægt að tala við fólk fyrst? Annars nenni ég ekki að pirra mig meira á þessu, maðurinn á greinilega við einhver geðræn vandamál að stríða og þarf aðstoð... Framvegis mun ég bara algjörlega hunsa manninn... Ég veit að maður þarf að sætta sig við ýmislegt þegar maður býr í svona sambýli, en kræst, mér finnst þetta nú of langt gengið... Jæja þetta eru nú stærstu tíðindin af þessum bæ í bili :o)

Vinnandi kona :o)

2005-11-13T00:41:00.000Z

þá er ég orðin vinnandi kona, loksinsloksins. Ég fór á mitt fyrsta vinnudjamm á föstudaginn, svaka stuð. Það var þrifadagur í vinnunni og ég mætti til að vera á skiptiborðinu. Um kvöldið var svo haldið upp í Laxnes á hlöðuball, það var æðislega gaman og mamma var orðin dáldið hress, já by the way, er að vinna á sama stað og mamma. Það var matur í boði og frítt áfengi. Ég fór þó snemma heim, fékk far með pabba heim. Dáldið blönk þar sem ég er bara nýbyrjuð að vinna og ekki búin að fá útborgað. Ákvað því að fljóta með gömlu heim.

Ég svaf svo til hádegis í dag, hefði örugglega sofið lengur nema pabbi gamli hringdi og vakti mig. Hann var að panta förðun fyrir eina sem vinnur með honum fyrir kvöldið, en það er árshátíð hjá honum í kvöld. Þannig að hann reddaði dótturinni kúnna, ekki slæmt hjá gamla. Mamma kom svo líka í förðun þegar hún var búin í greiðslu. Eftir alla þessa vinnu sótti ég Höllu í vinnuna og við skelltum okkur í ræktina. Erum við ekki duglegar? Orðnar algjörar heilsufríkur eða hitt þó heldur því eftir ræktina skelltum við okkur á KFC, en okkur til afsökunar þá er nammidagur í dag. Við ákváðum að skella okkur svo í bíó þar sem úrvalið í imbanum var frekar slæmt. Við fórum á Kiss Kiss Bang Bang. Ég mæli með henni, hún var sjúklega fyndin. Ekki týpísk Hollywood mynd. Val Kilmer og Robert Downey Jr fóru á kostum. Jæja ekki er mikið meir í fréttum. Maður er enn á fullu í skólanum og það fer að líða að prófum, jey. Heyri í ykkur seinna...

Myndir

2005-10-27T20:30:00.000Z

Myndirnar frá Danmerkurferðinni eru komnar

Áður en ég segi ykkur frá Danmörkurferðinni...

2005-10-25T20:49:00.000Z

þá vil ég byrja á því að óska henni Höllu minni til hamingju með 25 ára afmælið :o) Hún er því velkomin í "ellasmellahópinn"

Jæja hérna kemur sagan af Danmerkurferðinni. Ég, Halla og Sara lögðum af stað á sunnudaginn. Ég var drullulasin, en jæja maður verður bara að harka af sér. Við skemmtum okkur vel í flugvélinni og umræðuefnið var allt milli himins og jarðar, eins og þið getið vel ímyndað ykkur þegar 3 nettklikkað skvísur eru lokaðar inn í flugvél í lengri tíma. Ég held að við höfum vakið mikla athygli enda hlógum við dáldið hátt. Um kvöldið kíktum við aðeins út á lífið og svo bara í háttinn. Við vöknuðum snemma og skelltum okkur í Fields, í 7 tíma verslunarferð. Duglegar stelpur, ha? Um kvöldið fórum við svo út að borða með restinni af stelpunum og svo aðeins út á lífið. Mjög gaman og sumar urðu ansi drukknar... Og það var mjög gaman að horfa á þær.

Á þriðjudeginum var svo lestin tekin til Schæffergarden. Eftir að við fengum herbergin var haldin smá kynning og svo ákvað Jón að fara með okkur í göngutúr, en þar sem ég var enn hálf lasin ákvað ég að sleppa honum og leggja mig. Og sem betur fer, stelpurnar voru dálítið pirraðar þegar þær komu til baka. Kallin villtist aðeins í skóginum og varð göngutúrinn dálítið langur. Á þriðjudeginum var svo lagt af stað kl 9 um morguninn og haldið var til Kaupmannahafnarháskóla í stofnun Árna Magnússonar. Þar skoðuðum við gömul handrit, mjög skemmtilegt og spennandi. Eftir það var haldið í heljarinnar göngutúr um alla Kaupmannahöfn og enduðum við inni í Kristaníu áður en við komumst á áfangastað, sem var norrænt listsafn sem sýndi verk eftir íslenska, grænlenska og færeyska listamenn. Það var mjög gaman að skoða það og hefði verið skemmtilegra ef maður hefði ekki verið úr sér genginn. Jæja, alla vegna við vorum loksins frjálsar kl hálf 3 og þá héldum við á Strikið. Miðvikudagur til Laugardags fór í ýmis konar fyrirlestra og skemmtilegheit. Gengið var ansi duglegt í djamminu, kannski of duglegt í sumum tilvikum. Ég var bara róleg, eins og oftast. Þið kannist kannski við það.

Á laugardeginum vorum við komnar með ógeð á fína franska matnum á hótelinu og langað mjög mikið í eitthvað venjulegt að borða. Ég, Halla og Sara skelltum okkur því inn í Kaupmannahöfn á City Rock í góða djúsí borgara og svo fundum við ágætis kaffihús og fengum okkur kokteila í eftirrétt og náðum svo seinustu lest tilbaka. Á sunnudeginum var svo annar göngutúr frá helvíti. Við lögðum af stað frá Scæffergarden kl hálf 11 og haldið var á listasafn rétt hjá en auðvitað var ekki hægt að fara stystu leiðina :o( Eftir þessa "skemmtilegu" safnferð var haldið í Dyrehaven, sem var tilgangslausasti göngutúrinn af öllum og okkur langaði öllum að myrða helv... kallinn. Við stungum allar af í nestispásunni, enda orðnar sjúklega pirraðar á kallinum. Ég, Halla og Sara skelltum okkur í hestakerru, fengum túr niður að exitinu og svo gripum við taxa aftur upp á hótel, því við vorum að drepast í fótunum. Um kvöldið fórum við svo á Hard Rock og bíó, bara rólegar enda orðnar þreyttar eftir strangt programm.

Á mánudeginum var svo kominn tími á heimferð, jey, en við þurftum hins vegar að eyða deginum inn í Kaupmannahöfn þar sem við áttum ekki flug fyrr en um kvöldið. Það var ágætt því ég náði að hitta Louise, sem var með mér í Unicos. Það var mjög gaman enda orðið langt síðan við hittumst. Ég hitti svo stelpurnar kl 3 í Planterium þar sem við horfðum á sýningu, ferðuðumst niður Níl, æðislega gaman. Ég mæli með því ef þið eruð að fara til Kaupmannahafnar að kíkja, það er alveg þess virði. Heimasíðan þeirra er www.tycho.dk Leiðinlegast var þó flugið heim, vélin var fullbókuð og við sátum allar á sitthvorum staðnum :o( en jæja við komumst þó heim og mikið var það gott. Fá að sofa í mínu rúmi og fara í mína sturtu. Ég var hins vegar svo þreytt í morgun að ég barasta orkaði ekki að fara í skólann og naut þess bara að sofa út í stóra æðislega rúminu mínu, en það endist ekki lengi þar sem ég þarf að fara til einkaþjálfarans kl hálf 7 í fyrramálið :o(

Ég set myndir úr ferðinni inn fljótlega nenni því bara ekki í kvöld...

Berglind systir...

2005-09-27T18:29:00.000Z

segir að það sé aftur komin tími á blogg. Ég veit bara ekki hvað ég á að segja ykkur. Það hefur nú ekki verið mikið að gerast hjá skvísunni. Maður er bara á fullu í skólanum. Ég er nú reyndar á leiðinni til Danmerkur með skólanum á námskeið, maður græddi nú á þessu námi. Halla Sif er að fara með mér og við ætlum að fara aðeins fyrr og eyða 2 dögum í Kaupmannahöfn og kannski að versla smá. Þetta eru nú einu fréttirnar eins og er... Það verður vonandi meira action í framtíðinni :o)

Ætli að það sé ekki komin tími til að updata....

2005-09-05T09:53:00.000Z

Jæja hvað hefur skeð síðan ég skrifaði seinast??? Ég fór til Spánar með mömmu í heimsókn til Óskar og Adda, en þau eiga sumarhús á La Marina. Esther og fjölskylda voru í húsi rétt hjá. Við eyddum viku hjá þeim, bara í rólegheitunum. Við lágum í sólbaði, mér tókst að brenna 2svar, og við versluðum smá og borðuðum góðan mat. Ég gerðist frekar ævintýragjörn í ferðinni en þið sem þekkið mig vitið að ég er smá picky á það sem ég borða ;o) En við fórum út að borða á bæði kínverskan og indverskan veitingastað og það var bara nokkuð gott, þó var aðalrétturinn sem ég pantaði mér á indverskan staðnum dálítið sterkur... Ég meina það stóð reykur út út eyrunum á mér... Vikan var æðisleg en ég var samt alveg til í að fara heim eftir vikuna, ég er ekki beint þessi sólbaðsmanneskja. Vika á ströndinni var alveg nóg fyrir mig, þá var mig farið að langa að gera e-ð.

Hvað meira.... Já ég hélt loksins upp á 25 ára afmælið mitt og hið langþráða innflutningspartý. Það var hörkustuð og fólk var í misgóðu ástandi en enginn þó í slæmu nema þá kannski Gústi sem bailaði alveg og var edrú. Ég er ekki að skálda gott fólk, það eru fleiri vitni. Kallinn var bara edrú, það er eitthvað mikið að heiminum í dag ;o) Ég, Halla og Berglind systir vorum samferða niður í bæ þegar klukkan var að verða 2 og Gajolið búið. Guðný, Benni, Sigrún og Gústi voru þá farin niður í bæ (nema Gústi kallinn hann fór heim að sofa). Við hittum liðið á Hressó þegar við komumst loksins í bæinn og eftir langa bið fyrir utan. Við skelltum okkur beint á dansgólfið og dönsuðum þangað til við fórum heim. Áður en langt var af stað heim var stoppað á Bæjarins bestu og djammpylsan borðuð. Ég verð þó að segja að þetta lið í kringum mig eru nú lélegir drykkjumenn, það var enginn til í sukkmat daginn eftir.... Allir bara þunnir og ælandi. Ráð nr 1 2 og 3 er að borða eitthvað áður en maður fer að sofa og drekka nógu mikið af vatni þá vaknið þið hress og kát eins og ég :o)

Á laugardaginn var svo kveðjupartý fyrir hana Guðný mína en hún er að fara til Indlands í 6 mánuði að vinna hjálparstarf. Ég var því miður léleg það kvöld enda búin að vera lasin og kvaddi eftir 2 bjóra. Ég held þó að skvísan hafi skemmt sér ágætleg án mín... Í dag var fyrsti skóladagurinn og ég mætti með vitlausa stundaskrá þar sem breytingar höfðu verið gerðar og var því ein í tíma... Haldið að það sé nú, en jæja þýðir ekki að væla yfir því. Er komin með nýju stundaskránna og hún lítur bara ágætlega út, fyrir utan að ég þarf að mæta 8:15 alla daga nema miðvikudaga :o( Meira er ekki að frétta héðan eins og er og ætla ég því að hætta þessu röfli.

Haldið þið ekki...

2005-08-08T19:19:00.000Z

að konan hafi farið á sveitadjamm um helgina. Guðný vinkona plataði mig austur í Fljótshlíð, en mamma hennar og frænka voru þar í heimsókn hjá annarri frænku hennar. Við lögðum af stað á föstudaginn eftir vinnu hjá Guðný, komum við og sóttum Benna og það var haldið út úr bænum. Það var stoppað á Selfossi og borðað á KFC áður en það var haldið á Minni-Borg, þar sem við ætluðum að skoða folaldið mitt. Það var hins vegar fýlurferð þar sem við komumst ekki að honum Spuna mínum og þetta olli líka ruglingslegri ferð um suðurlandið. Við villtumst dálítið en nóg um það, við komumst loksins á réttan stað og þá var haldið á Kaffi Langbrók. Kvöldið var stórskemmtilegt, mikið drukkið, hlegið og sungið. Skvísan drakk þó nokkuð mikið og hefur ekki orðið svona skemmtilega drukkin síðan helgina góðu á Ísafirði í maí síðastliðnum. Hættulegasti drykkur kvöldsins var þó speciality staðarins, staupið brókarsótt en það sambuka, baileys og jagermeister. Ég veit það hljómar ekki vel en það kom hins vegar á óvart, bragðaðist mjög vel. Það sem kom mest á óvart var heilsan daginn eftir, hún var furðulega góð þó var röddin ekki upp á sitt besta. Ég eyddi svo sunnudagskvöldinu upp í sófa á glápa á imbann enda dálítið þreytt. Nú þarf maður hins vegar að fara að undirbúa Spánarferðina enda brottför á miðvikudaginn :o)

Verslunarmannahelgaleiðindi

2005-07-30T19:02:00.000Z

Jæja þá er enn og aftur komið að verslunarmannahelginni og næstum allir farnir út úr bænum og ekkert að gera. Vinan er þó orðin nettengd, jey, og getur því dundað sér eitthvað með allir hinir liggja í áfengisdauða einhvers staðar ;o) Er þó að pæla að kíkja á Lindu vinkonu í kvöld enda orðið alltof langt síðan maður hefur hitt skvísu. Annars er nú ekki mikið í fréttum á þessum bæ, enn að leita að vinnu og bíð eftir að skólinn byrji þannig að maður hafi eitthvað að gera....

Mikið hefur skeð síðan síðast...

2005-07-18T18:40:00.000Z

ég er þó ekki enn orðin nettengd þar sem Haukur frændi er ekki búin að koma í heimsókn og kippa því í laginn. En honum fyrirgefst þar sem hann hefur haft annað að gera eins og að verða pabbi, en ég eignaðist litla frænku 13. júlí. Hún er algjör snúður, hún var 19 merkur og 52 cm og hefur fengið nafnið Sunna María. Hún kom í fyrstu fjölskylduveisluna sína í gær en þá var Bendlind systir (eins og Steinunn Eva segir) að halda upp á 20 ára afmælið sitt. Ég var mjög dugleg í mömmuleiknum annað hvort með Sunnu Maríu eða Steinunni Evu. Örnu Lind frænku fannst ég taka mig voða vel út með svona lítið í fanginu og að ég ætti bara að drífa í því að koma með eitt. Ég sagði það að það væri ekkert mál ef hún gæti reddað mér kalli, en annars var ég búin að lofa Erlu vinkonu að vera næst í vinahópnum að koma með eitt svona kríli þannig að ég hef smá frest :o)

Annars er það helst í fréttum að við systurnar skelltum okkur á tónleika um daginn, á Queens of the stone age og Foo Fighters. Það var afmælisgjöfin hennar Berglindar frá mér. Það var æðislega gaman, en ég held að konan sé eitthvað að eldast því þegar ég kom út af tónleikunum var ég hálf heyrnarlaus. Það var eins og ég var með bómull í eyrunum og ég talaði dálítið hátt Berglindi til mikillar skemmtunar. Svo var það náttúrulega stór afmælið hjá systu, en hún og Alma Rut leigðu sal við Nauthólsvík til að fagna þessum tímamótum og auðvitað mætti maður á svæðið til að fagna með þeim. En þegar leið á kvöldið ákvað skvísan að skella sér í fullorðins partý og var sníkt far með mömmu gömlu, þegar hún kom að sækja gjafirnar, upp í Breiðholt í partý til Höllu vinkona. Annars er nú ekki meira í fréttum eins og er, ég bara búin að vera í rólegheitunum undanfarið...

Þá er konan flutt...

2005-06-21T19:45:00.000Z

það er reyndar vika síðan, er búin að vera frekar löt í blogginu + það að maður er ekki enn komin með internet. Ég er bara alveg að verða búin að koma mér fyrir enda um leið og maður flytur í draslið drullast maður til að gera eitthvað. Ég er meira að segja búin að halda fyrsta kaffiboðið, ægilega dugleg húsmóðir ;o) Linda og fjölskylda komu í kaffi ásamt Gústa og ég var á milljón og baka fyrir liðið.... Nei kannski ekki alveg satt en gerði nú samt köku fyrir þau. Annars er nú ekki mikið í fréttum hjá mér og því verður þetta bara stutt blogg í þetta skiptið...

París var æðisleg....

2005-06-06T19:32:00.000Z

Við lögðum af stað eldsnemma á fimmtudagsmorgninum, allir hálf myglaðir en spenntir. Fyrsta daginn röltum við um og skoðum. Pabbi, Berglind og Arna Lind löbbuðu efst upp í Notre Dame kirkjunnu, við mammas lögðum ekki alveg í það svona fyrsta daginn. Mig langaði ekkert sérstaklega til að ofgera hnénum svona fyrsta daginn. Ég var mjög fegin að ég beið þegar þau komu niður þar sem stelpurnar voru alveg búnar á því og fengu svo heiftarlegar harðsperrur daginn eftir... Við fundum voða fínan veitingastað í latinu hverfinu, þjóninn þar var í það minnsta ofvirkur... Hann hljóp um eins og hauslaus hæna, það var sjúklega fyndið. Föstudagurinn var tekinn snemma, það var byrjað á morgunmat á hótelinu og svo var metroið tekið upp í Eiffel turninn. Á meðan við biðum í biðröðinni byrjaði að rigna en sem betur fer tók biðröðin ekki langan tíma og upp fórum við. Ég er mjög stolt af sjálfri mér, ég fór alla leiðina upp á topp. Ég var að deyja úr hræðslu, enda sjúklega lofthrædd og lyftuhrædd. Það var komið það mikið rok þegar við komumst alla leiðina upp að turnin sveigðist fram og til baka, mjög fyndið. Þar sem veðrið var ekkert spes var ákveðið að eyða restinni af deginum í verslunarleiðangur. Þar sem pabbi gamli átti afmæli þennan dag var farið út að borða á rosa fínan Michelin stað, 2ja eða 3ja stjörnu staður. Staðurinn var klikkaðslega flottur, ég hef aldrei farið út að borða svona fínt áður og aldrei fengið svona rosalega góðan mat. Best fannst okkur samt að pabbi var sá eini sem fékk matseðil með verðinu inn í, algjört karlaveldi þetta land. Við bókstaflega rúlluðum þarna út í kringum miðnætti, þá vorum við búin að vera að borða síðan klukkan 20. Á laugardeginum var svo metroið tekið upp í Montmarte, sem er gamalt listamannahverfi og laðar marga túrista að. Það var æðislega gaman, fólk stóð í brekkunum og málaði. Það voru alls staðar götulistamenn að selja verkin sín og svo duttum við inn á Salvador Dali sýningu. Ég keypti mér 3 olíumálverk og tvær eftirprentanir af Dali verkum, var alveg að tapa mér í listaverka kaupunum. Annars verslaði maður nú ekki mikið þarna í París. Um kvöldið var svo farið út að borða og svo á sýningu á Moulin Rouge. Sýningin var frábær. Fyndið samt að hafa það að atvinnu að syngja og dansa á túttunum, en jæja framtíðardraumar fólks eru misjafnir. Við vorum reyndar allar sammála um það að karlmennirnir í sýningunni hefðu mátt vera fáklæddari. Á sunnudeginum vorum við svo týpískir túristar, við keyptum okkur miða í svona túristarútu og sátum á efri hæðinni og tókum myndir í gríð og erg. Við fórum út á einum stað til að skoða kistu Napóleons Bonapartes. Frekar spes. Eftir þessa miklu túristatilburði var haldið upp á hótel og gert klárt fyrir brottför. Ég náði því miður ekki að heimsækja Jim Morrison eða fara á Louvre í þessari ferð en ég á sko pottþétt eftir að fara aftur til Parísar og þá get ég gert þetta allt saman.... Ég tók fullt af myndum, lofa að setja þær inn fljótlega....

Myndir af Ísafjarðardjamminu

2005-05-18T18:55:00.000Z

KOMNAR!!!!!!!

Hvítasunnuhelgin Mikla.....

2005-05-18T15:10:00.000Z

Það var komið að því að skvísan skellti sér á almennilegt djamm. Esther frænka var í bænum um daginn og skellti fram boði í partý þannig að ég ákvað bara að skella mér (ég held að hún hafi ekki átt von á að ég myndi í alvöru koma). Ég plataði Höllu vinkonu með mér og við brunuðum út úr bænum beint eftir vinnu, vorum samt ekki lagðar af stað fyrr en klukkan 18 og því ekki komnar á Ísafjörð fyrr en klukkan hálf eitt um nóttina (dálítið þreyttar :-0) Laugardagurinn fór bara í leti, hjá Höllu þ.e. því hún fékk að sofa en Arnór Óli vakti mig klukkan hálf níu. Á hádegi röltum við út í Gamla bakarí í góða veðrinu og keyptum kringlur og snúða (þá bestu á landinu). Um kvöldið var krökkunum svo komið pössun hjá ömmu og afa og við grilluðum góðan mat og svo var partý um kvöldið. Partýið var svaka vel heppnað og allir í svaka stuði. Fyndnasta var að í partýinu hitti ég hana Hrafnhildi, sem var með mér á Hólum. Ég hafði ekki hitt hana síðan við útskrifuðumst. Skvísan skellti í sig (dáldið miklu magni af áfengi ) en enginn stór skaði skeður, nema kannski gallapilsið mitt. Ég kveikti í mér :o( Ég var orðin dáldið skrautleg en ég var ekki ein um það, vestfirska loftið virtist hafa þessi áhrif á alla. Ég tók þokkalega mikið magn af myndum í ferðalaginu, ég á bara eftir að setja þær inn. Sunnudagurinn fór að mestu í leti og þynnku (hjá sumum). Ég var þokkalega hress miðað við ástand nætur og hvað það er langt síðan ég datt í það seinast. Við Halla lögðum svo af stað aftur í bæinn á hádegi á mánudeginu, keyrðum fram hjá Dynjanda og tókum okkur smá pásu. Við fengum okkur göngu upp á topp, svaka hressar. Við vorum hins vegar ekki komnar í bæinn fyrr en klukkan hálf tíu um kvöldið þar sem við stoppuðum á leiðinni af því að við héldum að bíllinn væri að bila :o( en hann virðist hafa náð sér, sem er meira en hægt er að segja um mig. Ég lagðist í rúmið í gær og ligg enn, svaka stuð. Ég ætla þó að reyna að fara aftur að vinna á morgun. Ég verð líka að vera hress um helgina þar sem íbúðin mín virðist loksins ætla að vera tilbúin og ég flyt að öllum líkindum inn um helgina. Jæja nenni ekki að skrifa meir í bili....

Myndir, loksins...

2005-05-08T14:21:00.000Z

jæja þá er ég loksins búin að koma mér í það í setja upp myndasíðu og búin að setja inn slatta af myndum frá Danmörku. Ég ætla að reyna að vera dugleg að taka og setja inn myndir þar sem maður er nú orðin svo tæknivæddur að vera með digital vél. Annars er nú ekki mikið í fréttum. Ég byrja í verknáminu á morgun, loksins, enda orðin dálítið leið á að hanga svona allan daginn. Ég læt ykkur vita hvernig fer...

Sumarið komið :o)

2005-04-26T14:55:00.000Z

Jæja skvísan er komin með verknám, jippý. Ég byrja einhvern tímann í maí, 10 mánuðir á looser launum en jæja thats life. Verknemar eru víst bara einum þrepi fyrir ofan þræla :o( Maður ætti víst ekki að kvarta, lífið er gott. Skvísan komin með nýjan bíl og íbúðin alveg að verða tilbúin, þannig að maður getur fljótlega flutt frá gömlu hjónunum. Skvísan er einnig orðin "frænka" (svona á ská alla vegna). Linda vinkona eignaðist lítinn gutta í seinustu viku, hann var dálítið mikið að flýta sér í heiminn og kom þrem vikum fyrir tímann. Hann er algjör snúður og alveg eins og pabbi sinn. Annars eru þetta allar fréttirnar í bili :o) Lífið er voða rólegt þessa daganna...

Það er bara annað hvort eða...

2005-04-20T16:01:00.000Z

Ég er búin að vera að leita mér að vinnu síðan ég kom heim frá Danmörku og ekkert gengið... Síðan seinasta fimmtudag helltust yfir mig atvinnutilboð. Ég fór í tvo viðtöl útaf verknámi, mér var boðið að koma aftur að vinna í bankanum og fékk viðtal útaf öðru gjaldkerastarfi. Út úr þessu kom að mér var boðið verknám á annarri stofunni og ég er að velta því svolítið fyrir mér. Ég þarf að ræða aðeins betur við konuna og svo að ákveða mig, fyrir föstudaginn því þá þarf ég að svara þeim í bankanum. Annars gengur lífið bara sinn vanagang fyrir utan það að ekki getur maður riðið mikið út þessa daganna þar sem Víðir er meiddur. Einhver ofbeldisseggur er í húsinu okkar og beit svo illa í bakið að það er stykki horfið úr bakinu. Svo byrjaði að grafa í þessu og það þurfti að kalla út dýralækni. Greyið er núna á einhverjum pencillin kúr. Það er eins og allir fjórfættu fjölskyldumeðlimirnir þurfi á læknisaðstoð að halda, ég þurfti líka að fara með Lady til dýralæknis. Hún á við eitthvað magavandamál að stríða og var því sett á sérfæði... Hún er ekkert sérstaklega ánægð með það en svona er lífið... Alla vegna eins og þið lesið þá er lífið mitt ekkert sérstaklega fjörugt þessa daganna en það stendur vonandi til bóta. Ég stefni á að fara út með Guðný og Hönnu Rún á morgun, hef ekki hitt Hönnu síðan við kláruðum MK þannig að það verður gaman... Læt heyra í mér seinna :o)

Ennþá atvinnulaus og að...

2005-04-11T13:13:00.000Z

drepast úr leiðindum. Jæja ekkert kom út úr viðtalinu sem ég sagði ykkur frá þannig að maður verður víst að halda áfram að leita. Ég tók rispu í morgun að leita að stofum, vonandi að það komi eitthvað út úr því. Ég fór í bíó í gær með Höllu vinkonu, ætluðum á the woodsman með Kvein Bacon á kvikmyndahátíðinni en það var ekki verið að sýna hana. Við skelltum okkur því á Motorcycle diaries, mig er búið að langa að sjá hana í dálítinn tíma og ég varð ekki fyrir vonbrigðum, hún var æðisleg. Ég var alveg búin að gleyma þessari kvikmyndahátíð en það eru fullt af myndum á henni sem mig langar að sjá. Ég mæli með því að þið sem eruð orðin þreytt á formúlumyndunum kíkjið á þetta. Annars er allt á fullu í íbúðinni og ég get vonandi flutt inn fljótlega en innflutningspartýið verður líklega ekki fyrr en júlí þar sem allir eru í prófum þessa daganna og svo eru mk skvísurnar að fara á interrail.... Ég er með fleiri góðar fréttir var að kaupa mér nýjan bíl, gamangaman. Nú þarf ég bara að losna við hinn, vona að það gangi ágætlega... Jæja ekki eru nú fleiri fréttir í bili, læt ykkur vita hvernig atvinnuleitin gengur.

Ekki er nú mikið í fréttum...

2005-04-01T16:18:00.000Z

maður er bara búin að vera í leti, frekar leiðinlegt. Naglaskólinn bjargar mér alveg annars væri ég nú örugglega orðin geðveik. Skólinn gengur bara vel og mér finnst þetta mjög skemmtilegt, enda alveg mín lína svona dútl. Annars fór ég nú í viðtal í vikunni í sambandi við verknám og gekk það bara ágætlega að ég held, kemur í ljós. Hafið endilega krosslegða fingur fyrir mig!!! Vikan hefur hins vegar verið frekar róleg. Kíkti í bíó með MK skvísinum á Vanity fair, sem var ágæt en alltof löng. Ég var eiginlega farin að bíða eftir endinum.... Annars maður bara búin að eyða tímanum heima yfir imbanum eða kaffihúsum, uppbyggilegt ha!!!!!!!!!!! Ekki hefur meira merkilegt drifið á daga mína, vona að ykkar líf sé áhugaverðara.... tata :o)

Andskotans flensa

2005-03-22T23:06:00.000Z

Haldið þið ekki að maður sé ekki bara lagstur í rúmið með kvef og hálsbólgu. Þetta er nú meira helvítið, eins og maður nenni eitthvað að standa í þessu. Annars er nú mest lítið í fréttum hérna. Esther frænka kom í bæinn um helgina og það átti að fara á frænkna/systra kvöld á laugardeginum en það varð því miður ekkert úr því þar sem litli frændi minn var svo lasin að það þurfti að fara með hann á læknavaktina. Við áttum samt ágætis kvöld hérna. Systir hennar mömmu og maðurinn hennar komu í mat ásamt yngstu dótturinni og það var mikið hlegið. Annars er heimilið okkar búið að vera eins og gistiheimili seinustu daga. Esther kom ásamt sínum krökkum á föstudaginn, Þóra Marý kom á laugardeginum og svo amma á sunnudeginum. Það þurfti nú mikla skipulagningu til að koma öllum fyrir, en það gekk. Nú er mjög hljótt hérna enda vestfirðingarnir allir farnir heim. Naglaskólinn er í full swing og sjálfboðaliðar í módelstörf mega endilega hafa samband....

Hvað haldið þið....

2005-03-17T01:02:00.000Z

skvísan er bara orðin 25 ára... Algjör ellismellur, nei sko aldeilis ekki samkvæmt honum yndislega litla frænda mínum þá er ég sko bara ung. Hann kann sko að koma sér í mjúkinn hjá frænku sinni ;o) Það voru nú samt engin stór fagnaðarlæti, smá matarboð með the usual suspects s.s. amma gamla, frændi og frú ásamt börnum og svo einn leynigestur þ.e. pabbi fóstursystur minnar var fulltrúi vestfirðinga. Skvísan fékk dýrindis mat framreiddan af móður og fyrrgreindri fóstursystur, sem einnig gerði ljúffenga franska súkklaði köku í eftirrétt. Eftir matinn voru afhentir pakkar og sko engir smá pakkar (hélt að þegar maður væri orðinn svona gamall fengi maður ekki svona marga pakka). Ég á líka svo smekklega fjölskyldu að allar gjafirnar voru stíleseraðar við rauða leðursófann, sem keyptur var í Danmörku, og litinn á svefnherbergisveggjunum. Þið, hinir partýsjúku vinir mínir, þurfið hins vegar ekki að örvænta. Það verður haldið upp á aldarfjórðunginn í náinni framtíð, þ.e. þegar íbúðin mín er komin í standið. Þá verður slegið upp heljarinnar afmællis-, útskriftar- og innflutningspartýi og þá getið þið séð þessar geggjuðu gjafir sem ég fékk frá fjölskyldunni minni. Nú ætla ég hins vegar að koma mér í háttinn þar sem hún frænka mín er að koma í bæinn á morgun með litlu englanna sína og ég ætla að sækja þau á flugvöllinn.

Þá er maður fluttur heim...

2005-03-07T22:13:00.000Z

Loksins :o) svolítið skrítið samt og ég á nú eftir að sakna danaveldis aðeins, en það er sem betur fer orðið svo ódýrt að fara til Danmerkur að maður getur kannski leyft sér að skreppa öðru hvoru. Prófin gengu mjög vel, fyrir ykkur sem ekki eru búin að frétta það, bara 9 og 10 í öllu. Alls ekki slæmt fyrir stúlku með 6 í stúdentseinkun í dönsku ;o) Eftir seinasta prófið hittust allir upp í skóla og við fengum afhentar einkunnirnar okkar og það var skálað aðeins í kampavíni. Við færðum kennurunum gjafir, íslensk páskaegg og íslenskt brennivín, þær voru mjög kátar með það. Við færðum svo Tulle aukagjöf, hangikjöt og flatkökur, en við neyddum hana til að smakka í vetur þegar mamma kom með svoleiðs út fyrir okkur og henni fannst það mjög gott. Þær ætluðu að halda íslenskan dag upp í skóla og borða íslenska matinn sinn og drekka íslenska brennivínið. Eftir þetta allt saman var haldið út að borða, við fórum á ítalskan stað sem heitir Isabella og fengum ágætis mat. Þar héldum við til langt fram á kvöld og skemmtum okkur vel. Þegar svo koma að kveðjustund urðum við allar dálítið viðkvæmar, sérstaklega Vaka, enda mjög erfitt að kveðja eftir svona skemmtilegt ár. Ég, mamma og amma eyddum svo helginni í það að pakka niður og þrífa, æðislega gaman ;o) eða þannig. Á mánudagsmorgninum sátum við svo og biðum eftir flutningabílnum sem ætlaði ekki að láta sjá sig. Ég hringdi því upp í Samskip og þá höfðu þau gleymt að panta bíl, týpískt... En stelpan reddaði því og bíllinn kom kortéri seinna. Eftir að við höfðum losað okkur við allt draslið og ég klárað það sem ég þurfti að gera var gert stutt stopp hjá Vöku til að kveðja og svo var haldið til Kaupmannahafnar. Við eyddum deginum í Fields en gátum ekki verslað mikið því það var bara ekkert spennandi til.

Á þriðjudeginum sváfum við bara út og röltum svo niður á strikið, það var dálítið kalt og á leiðinni til baka upp á hótel byrjaði að snjóa. Þetta var nú ekkert alvarleg snjókoma, bara smá slydda en það fór allt í mínus í Kaupmannahöfn. Umferðin gekk ekkert, við höfðum pantað leigubíl til að keyra okkur út á flugvöll og hann keyrði á 40 alla leiðina og rásaði út um allt. En við komumst þó lifandi út á flugvöll og höfðum sem betur fer farið tímalega af stað þannig að við höfðum tíma til að rölta aðeins um fríhöfnina og fá okkur aðeins að borða áður en við fórum um borð. Það var smá seinkun á því að þeir hleyptu um borð og vorum við að fara um borð um það leyti sem við áttum að vera að taka á loft. Hins vegar liðu svo 3 tímar þangað til við fórum á loft, vegna þess að allt fór í kerfi á flugvellinum líka. Við þurftum sem sagt að bíða í 3 tíma eftir afísingu á vélinni og þið getið ímyndað ykkur hvað íslendingarnir um borð hafa verið pirraðir þar sem snjókoma úti var ekki neitt neitt. Sagan er hins vegar ekki búin hér, ó nei. Við lentum á Keflavíkurvelli og ekkert með það. Við fórum í gegnum fríhöfnina og náðum í töskurnar. Mamma gekk upp að bílastráknum og bað um lyklanna að bílnum en nei, hann hafði þá ekki. Hann kallaði þá í einhvern annan gutta sem skokkaði til að ná í bílinn en hann var eitthvað svo lengi á leiðinni og meðan var ég að fá tilfelli út stétt, örugglega svefngalsi. Eftir langa bið þá kom drengurinn til baka og tilkynnti okkur það að bíllinn væri ennþá í bóni inn í Keflavík og það væri verið að kalla út mann til að ná í hann. Ég tapaði mér gjörsamlega og hélt að ég myndi pissa á mig úr hlátri. Hún móðir mín, snillingurinn, hafði skrifað vitlausa dagsetningu á miðann en samt réttan dag en þeir hafa greinilega bara kíkt á dagsetninguna. Jæja bíllinn kom loksins og hann var allur skýjaður, þeir hafa greinilega verið byrjaðir að bera bónið á hann en bara átt eftir að pússa... En jæja svona var heimferðarævintýrið og miðað við heppnina mína undanfarið þá sekkur örugglega skipið sem búslóðin mín er í á leiðinni eða gámurinn með dótinu mínu dettur af eða eitthvað álíka... Ég er ekki enn komin með verknám :o( en það vonandi reddast. Ég er nýbúin í viðtali og hún ætlar að láta mig vita í vikunni þannig að allir eru beðnir um að hafa krosslagða fingur. Naglaskólinn er líka að byrja á miðvikudaginn, það verður vonandi skemmtilegt. Ég er komin með slatta af sjálfboðaliðum sem módel en ef einhver hefur áhuga þá er bara að hafa samband....

Er ekki lífið æðislegt?

2005-02-21T13:41:00.000Z

Mér finnst það alla vegna. Ok síðasta vika var reyndar hell... veikindi, túrverkir og biluð vekjaraklukka, svaka stuð. Þessi vika byrjar reyndar mjög vel en áður en ég segi ykkur frá því öllu þarf ég að segja ykkur frá því hvað ég var hugrökk á laugardaginn. Vaka manaði mig í að horfa á Gothika. Mig sem er mesta gunga á Íslandi, en ég var bara ekkert hrædd. Mér brá þó reyndar nokkrum sinnum en ekkert alvarlega. Í morgun var verklega prófið og það gekk bara þó nokkuð vel, var pínu stressuð þegar ég vaknaði og gleymdi mér aðeins í undirbúningnum. Allt í einu var klukkan næstum orðin 9 og ég hljóp út. Þegar ég var komin upp í skóla fattaði ég að ég gleymdi kirtlinum mínum, plokkarnum og naglaþjölinni heima, algjör hálfviti. Vaka var sem betur fer með 2 kirtla með sér, þannig að ég gat fengið annan lánaðan og fékk svo lánaðan plokkara hjá Nadiu. Jæja prófið gekk bara vel og svo þurftum við að bíða aðeins eftir einkuninni. Ég fékk 9, er bara mjög sátt við það. Sérstaklega þar sem það er yfirleitt ekki gefið hærra en 10 í verklegu prófunum, til að fá 11 eða 13 þarf prófið að vera fullkomið (sem kemur aldrei fyrir). Ég hringdi náttúrulega í mömmu til að segja henni góðu fréttirnar, algjör mömmustelpa, og það kom bara í ljós að mamma var ennþá betri fréttir. Hann elsku besti pabbi minn ætlar að bjóða okkur dætrunum og fósturdóttir í helgarferð til Parísar í tilefni af afmælinu hans og af því að við eru allar að útskrifast núna með stuttu millibili. Á ég ekki bestasta bestasta pabba í heimi? Ég verð að segja að án efa er hann bestur :o) Jæja ég ætti eiginlega að fara að þrífa af því að stelpurnar eru að koma hingað á morgun. Við ætlum að rifja aðeins upp fyrir munnlega prófið og svo eru mamma og amma að koma á fimmtudaginn. Þá verður allt að vera hreint og fínt. Jæja ætla hætta núna, læt ykkur vita hvernig hin prófin fara.

2 vikur í heimkomuna...

2005-02-15T09:42:00.000Z

Þorrablótið búið :o( en það var æðislega gaman. Ég hef ekki skemmt mér svona vel í langan tíma en við lentum í svolitlum erfiðleikum að komast þangað. Vaka var búin að fá lánaðan bíl til að fara með stelpurnar í pössun til Horsens en stelpan sveik hana þannig að það þurfti að fara af stað og finna annan bíl, sem tókst sem betur fer. Þetta vesen seinkaði samt brottförinni og svo náttúrulega snjóaði alls staðar og Danir vita ekki hvað vetradekk. Allt sat fast og það tók þær rúma 3 tíma að komast til Horsen sem tekur venjulega klukkutíma og kortér. Þær voru sem betur fer bara einn og hálfan klukkutíma að komast til baka en þá var klukkan orðin hálf sjö og við búnar að missa af rútunni upp í Hojby. Þær drifu sig í að hafa sig til og svo var tekin leigubíll á staðinn. Við komum rétt fyrir átta og reyndum að lauma okkur inn í salinn en það gekk ekki alveg. Gústi, vinur Ara og Vöku, var uppi á sviði að halda ræðu og þegar hann sá okkur sagði hann: Jæja, þar sem Vaka og vinkonur hennar eru komnar get ég sett þorrablótið. Allir litu við, horfðu á okkur og klöppuðu. Ekkert smá vandræðalegt en líka smá fyndið. Ég er nú ekki mikið fyrir þorramatinn en það var líka venjulegur matur. Ég fékk mér því íslenskt lambalæri með brúnni sósu, kartöflumús og grænum baunum, yammi, en það er nú ekki þorrablót nema maður fái smá smakk. Ekkert súrt samt fyrir mig en ég fékk mér hangikjöt og flatkökur og harðfisk.

Eftir matinn og skemmtiatriðin voru borðin dregin til hliðar og hljómsveitin steig á svið. Á móti sól spilaði á ballinu og voru þeir bara nokkuð góðir. Við dönsuðum stöðugt allt kv.öldið og inn á milli var hlaupið á barinn, dálítið oft inn á milli enda áfengið ótrúlega ódýrt. Við vorum orðnar dálítið drukknar en samt bara svona skemmtilega drukknar. Um nóttina keypti ég mér svo ss pylsu, æðislega gott. Ballið var búið um þrjú leytið, við misstum hins vegar af rútunni heim aftur þar sem við áttum dálítið erfitt með að ná Vöku og Ellu út af ballinu. Það var því aftur að taka leigubíl til að komast heim. Ég var komin heim klukkan hálf fimm og mér var svo illt í fótunum eftir allan dansinn að ég gat varla gengið. Sunnudagurinn fór bara í ekki neitt, það var samt engin þynnka í gangi þótt ótrúlegt sé. Ég var bara sjúklega þreytt og lá því bara í sófanum allan daginn og glápti á imbann.

Í gær þurftum við svo að verja ritgerðina okkar og það gekk bara nokkuð vel. Ég var alla vegna sátt, fékk 8. Mér datt ekki í hug að ég myndi fá hærra en 6 þannig að ég var bara kát, hinar skvísunar voru ekki alveg sáttar við sína einkunn en svona er lífið. Í dag er ég hins vega lasin, gubbupest :o( ég fór samt í skólann en var send heim þar sem ég gat ekki tekið neina kúnna þannig að nú ligg ég bara uppi í sófa og læt mér leiðast. Annars er nú ekki meira í fréttum hérna í Danaveldi, ég bara bíð bara eftir að klára skólann og geta flutt heim....

Skriflegu prófin búin :o)

2005-02-10T22:10:00.000Z

Mikið er maður nú fegin, mesta stressið búið í bili. Konan var bara orðin kolrugluð í höfðinu af öllum þessum lærdómi, vaknadi á nóttunni við það að ég var að þylja upp alls konar rugl á dönsku. Svo var nú geðheilsan líka orðin tæp, við Vaka sátum hérna í gær að læra og ég gjörsamlega tapaði mér. Byrjaði bara að hlæja útaf ekki neinu og ætlaði aldrei að geta hætt. En jæja svona er lífið. Skriflega förðunarprófið var í gær og það gekk bara ágætlega, að ég held og miðað við að ég lærði ekki neitt. Anatomiu prófið var svo í morgun og gekk bara mjög vel, þrátt fyrir allan grautinn í hausnum á mér. Ég klikkaði reyndar aðeins á meltingarkerfinu, víxlaði tyktarmen við tyndtarmen (veit ekki hvað þetta heitir á íslensku, sorry ;o) Nú eru bara verklegu og munnlegu prófin eftir, en áður en ég byrja að stressa mig á því þá ætla ég að skella mér á djammið. Ég er að fara á þorrablót á laugardaginn með Vöku og Ara og vinkonu Vöku frá Kaupmannahöfn. Það verður örugglega svaka stuð og ætlum við að drekka alla kunnáttu frá okkur. Ég skrifa aftur fljótlega og segi ykkur frá blótinu...

Þá eru prófin byrjuð :o(

2005-01-31T14:58:00.000Z

Fyrsta prófið var í morgun og ég held að það hafi gengið ágætlega. Ég fékk samt smá í magann þegar Vaka og Louise komu út og þær voru eitthvað stressaðir yfir því hvernig þeim gekk, en svo ákvað ég bara að eyða ekki tíma í að velta mér upp úr því og einbeita mér bara að næstu prófum. Ég var alveg úrvinda þegar ég var búin í prófinu enda búin að sitja við alla helgina að læra þannig að í dag ætla ég bara að slugsa, horfa á tvið og svona. Á morgun verður svo byrjað að læra fyrir anatomi prófið, sem er á fimmtudaginn í næstu viku og svo er það náttúrulega skriflega förðunarprófið, sem er á miðvikudaginn í næstu viku. Ég ætla nú samt ekkert að stressa mig neitt sérstaklega fyrir það, bara að renna aðeins yfir efnið og gera mitt besta. Þegar þessi píning er búin þá eru 3 próf í viðbót, 2 verkleg og 1 munnlegt. Útskriftin er svo 24 febrúar, jey (það er ef maður nær) og ætla mamma og Esther amma að koma út í útskriftina og til að hjálpa mér að pakka öllu draslinu. Við ætlum svo að stoppa aðeins í Kaupmannahöfn áður en það er haldið heim. Ég kem heim 1. mars fyrir ykkur sem viljið vita, loksins :o)

Stormur og stuð

2005-01-12T16:11:00.000Z

... Eins og þið vitið, þá var brjálað veður hérna á föstudaginn en bjáninn ég vissi það ekki. Það var víst búið að gefa út stormviðvörun og fólki sagt að halda sig innandyra. Mér fannst bara vera leiðinlegt veður og rölti mér því út í sjoppu (en nennti samt ekki út í videoleigu). Danirnir fengu alveg sjokk þegar þeir fréttu að ég hefði farið út, snarbilaður íslendingur :o) En jæja, ég lofa að setja mig ekki aftur í hættu (mamma þú þarft ekki að senda mér sms í hvert skipti sem það kemur slæm veðurspá fyrir Danmörk ;o)

Á sunnudeginum komu stelpurnar svo til mín í study group (mjög amerískt) en það var mjög gaman og gagnlegt. Við sátum hérna í 5 tíma og hlýddum hvor annarri yfir og tróðum í okkur nammi (hollustan í fyrirrúmi). Ég vildi hefðum verið búnar að gera þetta fyrr og oftar því við lærðum mjög mikið af því. Við ætlum að reyna að hittast alla vegna einu sinni enn fyrir prófin og þetta hjálpar okkur Vöku líka með að svara á dönsku og undirbúa okkur undir munnlega prófið. Núna fer allt í full swing, fyrsta prófið er núna 31. jan og svo aftur 10. feb. Það eru skriflegu prófin. 14. feb þarf ég svo að segja frá ritgerðinni minni, svo eru próf aftur 21. og 23. feb og það eru verklegu prófin. Skriflega prófið í förðuninni er þarna einhvers staðar, er bara ekki alveg viss hvenær. Síðasta og prófið sem mér kvíður mest fyrir er 24. feb, munnlega prófið :o( og svo er útskriftin um kvöldið :o) Þetta verður fjörugt.

Í gær fór ég og keypti mér sófa, rauðan leðursófa. Þetta var ævintýraleg ferð, 4 strætóferðir og heilmikil ganga. Við vorum alveg úrvinda þegar við komust loksins heim til Vöku en þetta var alveg þess virði því ég fékk flotta rauða leðursófann minn á 78 þús í staðinn fyrir 160 þús (sem hann kostar í Húsgagnahöllinni heima). Það verður sko litaupplifun hjá ykkur að koma heim til mín í "nýju íbúðina" mína... það verður eplagrænt, appelsínugult og rautt í bland við háglans hvítt. Ég hlakka sjúklega mikið til að sjá hvernig þetta kemur út.

Þá er maður komin aftur til Danmerkur

2005-01-06T15:34:00.000Z

því miður... þetta var alltof stutt jólafrí. Ég fór í skólann í morgun og það var eins og ég hafði bara verið í löngu helgarfríi. Ég er strax byrjuð að sakna ykkar en þetta eru bara 2 mánuðir, enga stund að líða. Ég skrifa aftur um leið og eitthvað spennandi skeður. Kærlige hilsen

Gamla góða Ísland

2004-12-22T19:06:00.000Z

...þá er maður loksins komin heim í jólafrí. Ég lenti á Keflavíkurvelli á laugardaginn um fimmleytið eftir töluverða seinkun á flugi en maður sætti sig við það enda á leiðinni heim. Haldið þið ekki að konan hafi bara verið yfirgefin og skilin eftir ein heima fyrsta kvöldið á klakanum. Ég var nú fljót að redda því og plataði Höllu vinkonu út að borða, á KFC auðvitað... Átti reyndar að fara e-ð annað en það var brjálað að gera alls staðar. Á sunnudeginum skellti ég mér svo vestur í Ólafsvík með pabba gamla að kíkja á ömmu. Maður mætti bara í nýbakaða gula köku (sem er alltaf best hjá ömmu í Ólafsvíkinni) og heitt kakó, sem var gott því það var snjókoma og skítakuldi úti. Eftir stutt en gott stopp var haldið heim á ný og var mamma tilbúin með kvöldmatinn þegar við komum til bara... Gamla góða lambalærið með brúnni sósu og brúnuðum kartöflum, stendur alltaf fyrir sínu ;o) Eftir matinn var svo skipt í aðeins betri föt og kíkt á kaffihús með Lindu og Gústa, átti bara að vera stutt en við vorum aðeins lengur. Á mánudeginum var svo farið í langþráða klippingu og litun, allt annað að sjá mig get ég sagt ykkur. Ég fór svo á smá bæjarflakk með systu. Hvað haldið þið, skvísan heima í jólafríi og bara sett í þrifin :o( við vorum svaka duglegar í gær og þrifum allt slotið á no time bara þannig að nú er bara allt tilbúið fyrir jólin, nema það á náttúrulega eftir að setja upp tréð. Dagurinn í dag er svo bara búinn að fara í flakk, systa var að kaupa seinustu gjafirnir og ákvað ég bara að fljóta með. Eftir allt búðarápið ákvað ég að skella mér í göngutúr í kuldanum með hundinn, það er eiginlega bara áhættusport að fara út í göngutúr núna, þvílík og önnur eins hálka... Við komust þó heilar á húfi heim aftur, smá hrollur í okkur samt.... Ekki eru nú meiri fréttir að heimsókninni í bili. Ég óska ykkur bara gleðilegra jóla :o) og heyri í ykkur aftur seinna...

Alveg að koma heim

2004-12-12T21:17:00.000Z

... nú eru bara 5 dagar þangað til ég kem heim. Bara svo þið vitið það ;o)

Prófið búið og einkuninn komin

2004-12-05T13:17:00.000Z

Ég er búin að svífa á skýjum núna seinustu daga... Ég fékk einkunnina mína úr annarprófinu, hafði hækkað mig um 2 heila s.s. upp í 8+. Mjög stolt af sjálfri mér, nú þarf ég bara að gera það aftur í lokaprófinu en það er seinnitíma vandamál. Nú ætla ég bara að einbeita mér að jólafríinu mínu. Hlakka til að sjá ykkur...

Hvað haldið þið

2004-11-29T19:17:00.000Z

...prófið búið og ég ekki farin á taugum. Ég var nú samt ekkert smá fúl í morgun þegar við fengum prófið í hendurnar. Náttúrulega týpískt, ég var búin að sitja og læra öll, og þá meina ég öll stóru efnin utan af, því Tulle sagði að þetta yrðu eiginlega bara redgor spurningar. En hún var bara að plata okkur :o( fyrstu spurningar voru allar um minni efni, sem ég las ekkert sérstaklega mikið um en ég gat klórað mig í gegnum þær. Sem betur fer komu svo stóru spurningarnar og ég held að ég hafi svarað þeim fullkomlega. Ég næ líklega en fæ ekki níuna sem ég vildi.

Ég rölti í bæinn eftir prófið, klárað jólagjafainnkaupin og smá jóladót handa mér. Ég keypti mér jólaseríur, mjög sætar og ljósbleikar sem er víst mjög Agnesarlegt samkvæmt henni Örnu frænku. Hvað finnst ykkur, er ég orðin of bleik? Ég bíð nú bara spennt eftir heimferðinni, hlakka til að sjá ykkur... Og gangi ykkur vel í prófunum þið sem eruð enn að, sendi ykkur góðar hugsanir :o)

Enn eitt bloggid um ekki neitt

2004-11-25T14:14:00.000Z

Margt og mikið hefur skeð síðan síðasta blogg var skrifað... Ég er búin að vera í stresskasti núna upp á síðkastið vegna yfirvofandi prófs. Mánudagurinn 29 nóvember mun vera dómsdagurinn, en þá er annarpróf. Prófað verður bæði úr skonhedspleje og anatomi, massívt mikið lesefni :o( Ég er nú samt búin að vera ótrúlega dugleg að læra og læra og vitið þið hvað... læra, en mér fannst ég samt ekki kunna neitt. Í dag breyttist þetta allt saman, ég komst að því að ég kann þó nokkuð og mun líklega ná prófinu. Nú þarf ég bara að læra og læra og læra svo meir þannig að eg fái 13, hahahaha. Nei það er ekki líklegt en kannski 9, það væri frábært. Á morgun á svo að vera eitthvað húllumhæ í skólanum, fyrst á að þrífa og svo detta í það... Mér nú tímasetningin ekkert neitt æðisleg (hefði mátt vera næsta föstudag) en það þýðir ekkert að væla yfir því. Þetta verður örugglega gaman.

Jæja Berglind núna ertu búin að fá bloggið þitt, hættu nú þessu væli! Ég skal setja aftur inn færslu á mánudaginn og láti ykkur vita hvernig dómsdagur fór ;o)

Eins og venjulega

2004-11-11T17:41:00.001Z

ekkert merkilegt í fréttum. Ég reyndar kenndi Tulle, sem er í raun kennarinn okkar, að gera smokey þannig að hún gæti gert sig fína fyrir djammið. Hún endaði með því að fá líka lánað hjá mér augnskugga, blýant og pensil, sem ég á by the way að kaupa fyrir hana þegar ég fer heim um jólin og nokkrar af hinum líka. Þær eru mjög hrifnar af töskunni minni og spyrja endalaust hvað hún kostaði og hvort allt var í henni þegar ég fékk hana o.s.frv. Í gær gerði ég fyrsta förðunartattooið mitt og það gekk bara vel, fyrir utan að greyið stelpan tók illa við litnum og fossblæddi. Henni fannst þetta svo vont að það þurfti að deyfa hana tvisvar. Ég ætla að vona að mér eigi ekki eftir að finnast þetta svona vont, en ég fer vonandi næsta miðvikudag. Ekki hefur mikið meira skeð hérna, ég ætla reyndar að breyta aðeins til um helgina og kíkja í heimsókn til Vöku á laugardaginn. Ég læt ykkur vita ef eitthvað merkilegt skeður á næstunni en ekki vonast eftir miklu :o)

Agnes fer heim

2004-11-04T15:15:00.000Z

eins og var óskað eftir þá kemur hérna lýsing á heimferð minni um síðustu helgi. Ég á yndislegustu foreldra í heimi, þau hringdu í mig á miðvikudeginum í seinustu viku og spurðu hvort ég vildi koma heim í helgarferð. Ég auðvitað greip tækifærið og flaug heim í hádegisflugi á föstudeginum. Berglind og Arna Lind komu að sækja mig á flugvöllinn, æðislega gaman að sjá þær. Við fórum heim og sóttum Lady, sem var ofsalega kát að sjá mig eins og þið getið ímyndað ykkur. Ég var ekki búin að láta Gústa, Höllu né Lindu vita að ég væri að koma þannig að fyrsti viðkomustaður var í vinnunni hjá Gústa og hann hrökk svo í kút, greyið að ég fékk eiginlega samviskubit yfir að hringja ekki fyrst. Því næst var farið að sækja mömmu í vinnuna og beinustu leið svo á Bæjarins bestu þar sem mamma bauð mér upp pylsu og kók, namminamm. Við fórum því næst heim og við Lady skiptum yfir í göngufötin og tókum afmælisgjöfina hennar Höllu og röltum til hennar. Höllu brá þó nokkuð líka en ekkert í líkindu við Gústa greyið. Við skelltum okkur svo í göngutúr vinkonurnar eins og í gamla daga. Eftir þessa heilsugöngu var stefnan tekin á KFC :o) en það var einn viðkomustaður fyrst og það var að kíkja á Lindu vinkonu. Afmælisgjöfin hennar var búin að sitja heima síðan í ágúst og ákvað ég að færa henni hana í eigin persónu. Það var samt smá erfitt því hún var að vinnu og ég var ekki alveg viss hvar þar sem ég hafði aldrei komið þangað, en það gekk og mér tókst að koma henni á óvart. OG nú var sko haldið á KFC og ég fékk hinn langþráða BBQ borgara, gaman gaman. Við sátum svo heima um kvöldið og kjöftuðum.

Laugardagurinn var sko aktívur. Ég byrjaði á að fara að versla um morguninn með múttu. Það eru sko ekki margir sem fara í verslunarferð til Íslands, en ég gerði það, keypti fullt af fötum. Við fórum svo heim að gera klárt fyrir hádegismatinn en frænkur mínar ætluðu að koma í heimsókn. Ég fékk að sjá tvær af nýjustu viðbótunum í fjölskyldunni, litlu sætu frænkuna mína og litla sæta hundinn, hann Húgó. Lady var nú ekkert sérstaklega hrifin af þessari heimsókn og þá sérstaklega honum Húgó. Eftir þessa fjörlegu heimsókn skelltum við systurnar okkur austur að kíkja á litlu dúlluna mína, hann Spuna, nema hann er ekkert sérstaklega lítill lengur en ennþá æðislega sætur. Um kvöldið fékk ég svo læri, brúnaðar kartöflur, brúna sósu og grænar baunir í kvöldmat, sem var verð ég að segja besti maturinn sem ég hef fengið í 8 mánuði. Svo þegar þetta allt var búið var eina sem hægt var að gera var að skella sér á djammið. Gústi og Lindu höfðu reddað sér fríi í vinnunni til að djamma með mér og Guðný og Halla komu líka. Við hittumst á Celtic cross og sátum þar mjög lengi. Linda þurfti reyndar að fara snemma heim, enda vinna morguninn eftir. Við hin sátum lengur og Erla vinkona kom og kíkti á okkur. Við röltum svo niður á Jón forseta með Gústa en við Halla vorum ekki alveg að fíla okkur þannig að við héldum röltinum áfram. Það var tekið stutt pissustopp á Viktor en þar inni voru bara eintómir útlendingar þannig að ekki var mikill á áhugi á löngu stoppu þar. Næst í röðinni var Dubliners en þvílíkir ellismellir voru þar að ekki nenntum við að hanga þar og því var stefnan tekin á Ara í Ögri nema þar var sjúklega löng röð. Eftir þetta allt saman ákváðum við bara að fara heim og lúlla. Þetta var æðislega skemmtilegt kvöld.

Sunnudagsmorguninn var dálítið erfiður, pínu þynnka, en ég fékk yndislegar skonsur með hangikjöti og eggjum í morgunmat. Sunnudagurinn fór mest í leti þangað til það var farið var aftur út á flugvöll. Mikið nammi var keypt og fór ég með hluta af því upp í skóla til að gefa þeim og hefur það vakið mikla lukku. Annars hefur allt verið við það sama hérna síðan ég kom út aftur. Það var æðislegt að koma heim í stutta heimsókn, versta var að geta ekki kíkt á alla en þeir sem fengu ekki heimsókn núna fá hana næst. Hlakka til að sjá ykkur aftur eftir 1 og hálfan mánuð ;O)